محاوره بين الشاعر رحيم المالكي والشاعر نائل المظفر
-----------------------------------------------------------------------
اكوم اجلالاً لحسنك واقفلك
وأسجل كليبي يا خلي وقف لك
وأحطك بي وأقفلنك وأقفلك
وأطب بصدري وقفلكم عليه
نائل المظفر
________________________________
وياك بلشت بلشه يا بلاشي
وحسافه طلعت عندك يابه لا شي
بثمن يوسف بعتني يابلاشي
قميص أربع جهات أنقد عليه
رحيم المالكي
________________________________
تدري شكد ألك كلبي ولع ضام
صغار جروحي يهونك والعضام
أموت وأندفن وأعتك والعضام
زحفنلك زحف لو صحت اليه
نائل المظفر
________________________________
مدري العيب عندك مدري عندي
مدري غلط عدك مدري عدي
مدري اوكف وأطالب مدري أعدي
وأكولن ينصلح ويرد اليه
رحيم المالكي
________________________________
السعاده منين أجيبنهه والافراح
وعلى الخوان راح أصفن وألف راح
عدموا وألف سجنوا وألف راح
وأتاني وما رجع واحد عليه
نائل المظفر
________________________________
وفيت ويه الربع محد وفالي
وياهمو خاب كل ضني وفالي
خشف فول الربع وأدج وفالي
حديد وحرش كسرتهه من اديه
رحيم المالكي
________________________________
بس أحنه المصايب صاحبه النه
لان كل ساعه نفكد صاحب ألنه
أبنه المات محد صاح ابنه
أخاف نصيح ويعدمون أخيه
نائل المظفر
ــــــــــــــــــــــــــــــــــــــــــــــــــ ــــــــــــــــــــــــــــ

:66 (46)::66 (46)::66 (46)::66 (46)::66 (46):
شكرا اخت ابتهال
كلمات روعة للشاعر نائل المظفر
:66 (59)::66 (59)::66 (59):
http://up.foraten.net/uploads/64d7738e18.gif (http://up.foraten.net)

محاورة جدا رائعة عزيزتي ابتهاال

وعاشت ايدج على هالإختيار والنقل المميز

وصح لسن شاعرينا الكبيرين ( المالكي ونائل المظفر )

تحياتي لك

اسعدني مروركم
نورتو الصفحه

تدري شكد ألك كلبي ولع ضام
صغار جروحي يهونك والعضام
أموت وأندفن وأعتك والعضام
زحفنلك زحف لو صحت اليه
نائل المظفر



الله الله صح السانه وعاشت ايده شاعرنه الغالي نائل المظفر
والله هذا البيت من الابوذية ما هوه الا ديوان من الشعر
مشكوره اختي الغالية ابتهال منورة المنتدى بمشاركاتك المميزه
تقبلي تحياتي وودي

مشكور أخي محمد
أسعدني مرورك

شكراااااااااااااا على الامانه في النقل وشكر اخر على الاختيار الرائع للمحاوره الجميله

http://www.alforat.org/C:\Documents and Settings\Crossmatch\My Documents\My Pictures\11371141213pj4.gif

مشكور أخ قاسم على المرور