:66 (46)::66 (46):ليش نبجي ...
وليش خلينه الدمع ينزل رخيص
او ليش كل لحظة جرح نكتب شعر
اوليش ذبينه الفرح والهــــم جبير
او ليش رغم أخطائنه نحب نستمر
ليش مذبوح الوفه بلحظة خداع
ليش مات الشوك والحب يحتضر
ليش خلينه المشاعر بس كلام
او بالعتاب اشفافنه شكد تعتذر
اه منك يازماني تغيرت
او جسر طبعك صاير وما تنكدر
المشه بصفك خذيته ومدري وين
والرفض يمشي انوله من كل كتر
والغدر ناســــــه رفعته عللجتاف
او صاحب الصاحب كضـــــه سنينه عسر
آه يادنيا صــــــدك مابيج امان
او فرق بين اليـــوم وايــام الزغر
جانت كلوب الناس تنصع بياض
هسة لــــــــون كلوبهم ماينحزر
ممكن لحـــــظة يجيك بكل هدوء
او ممــــــكن بلحظات يتحول نمر
وآنه محتار ويه روحي بهلزمان
ساعة اشد روحي مثل شد الحديد
وساعة الين الروح حد ماتنعصر
او ســـــاعة احس روحي على هدومي غريب
او خلص صبري وما بعد بيه صبر
او ساعة اذب دمعي ونه اكبال الوشاة
اوبيني بين الموت ساعتهه شـــبر



منقووووول

تحياتي