ناكرالجميل

يلي ناكر للجميل ..
خلصت عمرك تدوس ابكاع روحي .. اشكد سحك فوكاهه عمرك..
جدمه جان اشكد ثكيل !
حضنتك روحي ابحضنهه .. رغم مدوس ابظهرهه
كاع مايخلص صبرهه
ايموت اذا كابل صبرهه المستحيل ..
ردت اوصلك للتريده .. وعلى اجناح النيه طاير
ردت اعيشك غير عالم
باب روتينك تكسره.. وتدخل العالم جديد
عالم الحب والتواضع ماتمله اتعيشه قانع
لكن الشيطان من وسس باذانك ..
شال كلبك بدله ابواحد حديد !
وصرت مو ذاك العرفته
العينه جانت تحجي سكته
الشفته غارت من ضحكته .. الجان مكتوب اعله كصته
حروف ترمز للجمال .. حروف مكتوبه بظلال
ابقلم شاعر مات من كثر الخيال ..
وماتت احلامه بغرفته ...
لاتضن بيه انه من ابجي عليك !!
ردت دمع اعيوني يغسل
كل تعب لجلك تعبته .. وكل جرح بكليبي شلته
حته امسحك من خيالي .. وراح حته امسح خيالي !!!
لأن ماريده يذكرك .. لحضه وتمر اعلى بالي
وراح افتح باب صدري .. وكطع الحب الزرعته
الباصميم انشتل ورده !
وادري تبقه اثاره بيه .. بالصبر يوميه اضمده
وراح اغمض ذكرياتي .. وحذف اسمك من حياتي
وعقلي بالنسيان اجمده
انكسر واهس امنياتي .. الك لصدك اميل
لأن انته اللي كسرته
ابحجر نكران الجميل !!.


الشاعر
حــــيدرعـــلي

حضنتك روحي ابحضنهه .. رغم مدوس ابظهرهه
كاع مايخلص صبرهه
ايموت اذا كابل صبرهه المستحيل ..
ردت اوصلك للتريده .. وعلى اجناح النيه طاير
ردت اعيشك غير عالم
باب روتينك تكسره.. وتدخل العالم جديد



الله الله مشاركة روعة وقصيدة جميلة جدا
عاشت ايدك على هذه الكلمات الرائعة والتعبير الموسيقي الذي يطرب
المسمع ويسكر القلب
تحياتي الك منور المنتدى بتواجدك اخي العزيز علي 37


حبي اسمحلي اخذ هذا المقطع ودزه بالمسج لناس اعزاز عندي بعد اذنك

تقبل تحياتي وشكري الجزيل

عاش لسانك اخي علي على هذه القصيدة الجميلة

رائع ماكتبت وسطرت على صفحتك

مبدع بكل كلمة

ومتألق بالمعاني

دام لنا احساسك الجميل والنازف

الف شكر على هالقصيدة الحلوة

تحياتي