أخاف منك ..!
اخاف منك ..
أخاف تتغير عليَّ .. وبلحظه اخسرك ..؟
وأخاف تنغر ابجمالك ..؟
وأخاف يتحول رماد وياي جمرك ..؟
وأخاف يوم يمر عليًّ ..
واتشوفني .. ويزداد قهرك ..؟
واخاف نزوة وكت ..
واتعوف المحبة .. اشلون بعد اگدر أذًكرك ..
وانت حالف ماگلت كلمة حبيبي ..
يمكن اتخاف اني اعيرك ..؟
غرگتني ..
ابثگل شوگك ..
مع تحيات الذيب شموع والظلام
وابحر مجنون ، واتريد اني اعَبرك ..؟
والله گلبي ايخاف منك ..
يا صعب وشلون اگدرك ..؟
انت چلماتك طلاسم ..
منين اجيب الحيل حتى اگعد وافسرك ..
أخاااااااااااااف اخسرك ..
أخاف افرحك ..
واخاف من بعد الفرح ..
تتركلي مُرك ..!!
واخاف احزنك ..
واخاف من كثر الحزن ..
انطيك عذرك ..؟
تعوفني وعذرك اقبله ..
وخايف اشلون اگدر اتحمل واهجرك ..؟
أخاااااااااااااف اخسرك ..
واخاف گلبك مايحبني ..
واخاف انت اتورطت ..
وانطيت سرك ...
واخاف اني اتجاوزت ..
وانت مابينت امرك ..؟
واخاف كلشي ايصير ..
بس اني اعتقد ماطلع مني اللي يضرك ..
اني يمعود ظنوني ..
وياي تلعب ..
من كثر ماأجيب ذكرك ..
اني اعزك ..
والله شتريد اعتبرني ..
طفل ، مجنون ، انتهازي ..
اشلون متحب اني اخيرك ..
المهم تنطيني كلمة ..
وماتخليني افكر .. يوم اخسرك ....
بس... أخاف أخسرك