مو بيدي الكلبي العشك
من كيفه حب واختار..
مو .. بيدي كون الدمع
سوه الخدود انهار...
مو بيدي اشل الجرح..
وجروحي كلهه اكبار..
العبره لليحترك..
مو لليشوف النار..
غدار هذا الوكت
والبي يحب غدار..
لا هي صحوة وكت
ولا هي طيف وصار..
بيه المحبه جرح..
لاهي ثلج ولا نار..
عشت وشفت ياوكت
حتى الصديق انذار..
ايلجم جروحي ويحط
بيهن الف تذكار..
ما ضل نخل ينزرع
ويطك عشك جمار..
ظلت املوحه ورمل
والي انزرع ماصار..
ياوكت بيك اليحب
ميت وجه يندار..
حكه الصديق ابتعد
لو يم غيري احتار..
المايشور ابد
صدك فلا ينزار..

مشاركة رائعة ( جلماتهه تهيم )
تقبلي تحياتي وشكري الجزيل
نننتظر منك المزيد

اهلا بك عاشقة الحزن اسعدنا وجودك وشكرا للكلمات الطيبه
وهل هي بقلمك او منقوله ؟؟ تقبلي تحياتي

مو بيدي الكلبي العشك
من كيفه حب واختار..
مو .. بيدي كون الدمع
سوه الخدود انهار...
مو بيدي اشل الجرح..
وجروحي كلهه اكبار..

كلمات اكثر من رائعة سطرت على هذه الصفحة

سلمت يداك عزيزتي

اتمنى ان تجيبي على سؤالي وسؤال الأخ ماجد

هل القصيدة بقلمك ام منقولة .... ؟

ولك مني كل الود

نص منقول ونص مني شكرا لكم

مع تحياتي لكل من
الاخ ماجد والاخت ام فيصل
اشكركم على حرصكم ولكني ارجو منكم الاتي
سؤال كاتب المشاركة عن ( منقول او بقلمي ) اذا كتب العضو مثلا مع تحياتي
او ماشابه ذلك اما اذا ترك المشاركة بدن اي تذييل فأرجو منكم اعطاء رأييكم
بالمشاركة فقط تقبلا تحياتي وشكري الجزيل