تمنيتك تجي ..
وتشوفني بياحال .
وفركتك جان تدري اسوت بروحي .
وتمنيتك تجي ..
واحجيلك المضموم
وكل لحظه بغيابك تجفل جروحي !
يا شنهي . شأوصفك
منين ابدي وياك !
اذا كربك فرحتي .
وبالبعد نوحي .
ابجي اعليك طبعا من تصير بعيد !
وافرحلك عمر لو كربت يمي !
جاري الماي انت وانه العطشان
اموت بجيتك واكطع نفس همي !!
تانيتك عمر والعمر كله وياك
وشلي بالعمر ياصاح من دونك
اني اسمك زرعته فوك باب الروح
وديرت عمري قصيده تغني لعيونك !
اخاف اعليك منك من مهب الريح
واحسدهم هللك كدما يشوفونك ...


تقبلوا تحيات اخوكم ماجد الشاعر

تمنيتك تجي ..
وتشوفني بياحال .
وفركتك جان تدري اسوت بروحي .


قصيــدة غزلية رائعــة تحمــل الشوق والحنين
ابدعت في صياغة كلماتها يامــاجد

دام لنــا ابداعـــــك

ودام لنا تواجدت وحضورك المميز سيدتي الغاليه

الله عاشت ايدك وصح السانك اخي العزيز ماجد
مبدع دائما كما عهدك ,,,,,,,,
تقبل تحياتي واشواقي

ابجي اعليك طبعا من تصير بعيد !
وافرحلك عمر لو كربت يمي !
جاري الماي انت وانه العطشان
اموت بجيتك واكطع نفس همي !!

الاخ محمد السوداني شكرا للمرور الكريم
ولك تحياتي

والله اتخبل مبروك عليك هذه القصيده الرائعه ياماجد الورده

سعيد بمرورك اخي الزير الكريم ولك تحياتي