اخواني اخواتي الفراتيين
سلام من الله عليكم ورحمته وبركاته
كل عام وانتم دائما الى الله اقرب

كل عام وانتم بكل الخير والسعاده

في كلمه ونص

ايه رايك في القنوات الفضائيه العربيه
وايه رايك في اصحابها
هل هم وطنيون مصيبون مدانون
انت ايه رايك ؟؟؟؟؟؟؟؟؟؟؟؟؟

سؤال ارجو الاجابه عليه
تحياتي لكم جميعا

والله يا تيتو انت فتحت موضوع ممكن نتكلم فيه للسنه القادمه مش هنزهق لأن فعلا ظاهره المحطات الفضائيه هذه اصبحت تنتشرع بسرعه الصاروخ كل يوم افتتاح محطه فضائيه ماشي ربنا يزيد ويبارك كمان لاكن ايه الماده اللي بتقدمها هذه المحطات للناس تعال معي ندخل سويا علي النايل سات ممكن تشك انه الهوت بيرد او الاسترا او اي قمر اخر خلاف انه عربي اسلامي في بعض محطات بتاع المسابقات دي مثلا اتفرج واتمتع بقي البنت واقفه ماشاء الله طول بعرض تغني وترقص والحل ايه ياجماعه قولولي مين معايا اتصال من مصر برافوا عرفت الحل حاجه بنشربها وبتنزل من الحنفيه وبتمشي في مواسير وبندفع لها فاتوره كل شهر ومنقدرش نعيش من غيرها قول عرفت الحل يرد بقي الضيف الجميل اللي مش عارف دا اساسا جيبينه منين دا سؤال سهل جدا دا يبقي اكيد الغاز الطبيعي ترد المذيعه اللامعه لا مش ممكن عيب عليك يا حماده بس ايه بقي في قمه الدلع يعني لو واحد قاعد بيتفرج عليها والمدام قاعده جنبه هيتصل بالمأذون فورا عشان يطلق المهم تتمايل وتتدلع والمهم انك متعرفش مين اللي بيكسب في الاخر دا من ضمن القنوات التي انتشرت بسرعه الصاروخ هناك قنوات اخري اهم شئ فيها الاعلانات ودي اخف حمل شويه من اللي بنشفهم
المهم عزيزي تيتو اصحاب هذه المحطات لا يهمهم سوي المال ....المال هو يفتح مشروع تجاري حتي يستفيد منه مش معقول الراجل مكلف نفسه مبالغ طائله عشان يعرض فيها طبق اليوم او بوجي وطمطم او حتي ظاظا وجرجير ياعم تيتو ولا ايه وشكرا لك علي هذا الموضوع الرائع
هو انا مين اه كريم معلش اصل فكرت في المذيعه اللي كانت بتقدم البرنامج يا اخي

والله صدقت يا كريم بقت دلوقتي
مش قنوات فضائيه عربيه
دي كباريهات عربيه منزليه
ربنا يستر يا بني من الايام اللى جايه
لا انت عارف الاغرب ايه
في فتوى طلعت بتحلل قتل اصحاب القنوات دي
قبل ما تقول اي حاجه وتلبخ انا عارفك
الفتوى دي ليها سند شرعي
ومن مصدر موثوق بيه
ايه رايك بقى

تيتو فتوي بقتل اصحاب المحطات متخفش انا مش هلبخ ولا حاجه بس مش كبيره دي شويه ان كان علي القتل فيه ناس تانيه تستحق القتل مثلا المراقبين او اصحاب القمر نفسه اللي بيسمحوا لمثل هذه المهازل انها تتم من خلال القمر المملوك لهم طبعا انت تعلم انه قمر مصري لاكن هتقول لمين هل انت تعلم ان السيد صفوت الشريف في احد السنين كان ينوي ان يبث قنوات جنسيه علي هذا القمر ولكن وجد عاصفه من الرافضين لذلك وقتها غير في كلامه وقال انا لا اقصد.... بس انا عاوزك تفهمني معلش فتوي بقتل اصحاب القنوات علي اي اساس تم اصدار هذه الفتوي للمعرفه فقط وشكرا كريم

اكرهااااااااااااااااااااااااا كلهااااااااااااااااااااااااااااااااااااااااااااااا اا بدون استثنا
كل القنوات العربيه الفضائيه اكرها
بس نتابعها اكيد

تحياتي

شكرا اخي على الموضوع ( المثير )
وانا اكيد اعارض فضائح القنوات الفضائيه
تقبل تحياتي اخي الكريم
ودمت بخير

تيتو فتوي بقتل اصحاب المحطات متخفش انا مش هلبخ ولا حاجه بس مش كبيره دي شويه ان كان علي القتل فيه ناس تانيه تستحق القتل مثلا المراقبين او اصحاب القمر نفسه اللي بيسمحوا لمثل هذه المهازل انها تتم من خلال القمر المملوك لهم طبعا انت تعلم انه قمر مصري لاكن هتقول لمين هل انت تعلم ان السيد صفوت الشريف في احد السنين كان ينوي ان يبث قنوات جنسيه علي هذا القمر ولكن وجد عاصفه من الرافضين لذلك وقتها غير في كلامه وقال انا لا اقصد.... بس انا عاوزك تفهمني معلش فتوي بقتل اصحاب القنوات علي اي اساس تم اصدار هذه الفتوي للمعرفه فقط وشكرا كريم




اقرا يا عم كريم
علشان تصدق

خبر عن الصحافه السعوديه


أثارت الفتوى التي أطلقها رئيس مجلس القضاء الأعلى في المملكة العربية السعودية،

الشيخ صالح بن محمد اللحيدان،


بجواز قتل أصحاب القنوات الفضائية العربية، واصفاً إياهم بـ"المفسدون"


حالة من الجدل في الأوساط السعودية .



وقال الشيخ اللحيدان،
في حلقة بثتها له إذاعة القرآن الكريم بالمملكة:


"إن من يدعو إلى الفتن، إذا قُدر على منعه ولم يمتنع قد يحل قتله، لأن دعاة الفساد في الاعتقاد أو في العمل، إذا لم يندفع شرهم بعقوبات دون القتل، جاز قتلهم قضاءً."



وأضاف ، بحسب شبكة " CNN " إن "الأمر خطير،
لأن الله جل وعلا، لما ذكر قتل النفس، قال: أو فساد في الأرض،
فالإنسان يقتل بالنفس، أو بالفساد في الأرض،
وإفساد العقائد، وإفساد الأخلاق،
والدعوة لذلك نوع من الفساد العريض في الأرض."



جاءت تصريحات رئيس المجلس الأعلى للقضاء بالمملكة العربية السعودية ضمن برنامج "نور على الدرب"، رداً على سؤال من أحد المستمعين حول القنوات الفضائية.


الشيخ صالح اللحيدان


وقال في إجابته: "لا شك أن هذا بلاء وشر وفتنة، لكن أصحاب القنوات يكون عليهم وزر ما يدعون إليه، بمثل أوزار من تأثروا بدعوتهم ودعايتهم."


وتابع اللحيدان قائلاً:
"أنصح أصحاب هذه القنوات الذين يبثون الدعوة للخلاعة والمجون، أو الفكاهة والضحك وإضاعة الوقت بغير فائدة، وأحذرهم من مغبة أثار ما يقع فيه من يتعرضون لتلك الفتن."


ودعا اللحيدان
أصحاب الفضائيات العربية إلى "أن يتقوا الله ويتوبوا، وأن يكفوا عن نشر الفساد والإفساد"،
عبر نشر ما وصفه بـ"البرامج الخبيثة" على قنواتهم الفضائية.


يُذكر أن عدداً كبيراً من السعوديين يمتلكون قنوات فضائية خاصة، من بينها مجموعة محطات MBC التلفزيونية وقناة العربية الإخبارية، إضافة إلى مجموعة قنوات "روتانا"، وART، وأوربت، ولكن هذه القنوات تبث من خارج المملكة.



والله يا كريم
القنوات الفضائيه العربيه
دلوقتي بقت من اكبر الطرق المفسده للشباب على مستوى العالم العربي
الغرب خلاص شالنا من دماغه مبقاش حد بيخطط علشان يدمر بلادنا وسابوها لينا احنا ندمرها بمعرفتنا
دي بقت حاجه تحبط

شفت بقى
صدقت ولما اقولك حاجه بعد كده متبقاش تآوح
ماشى