ما اريدك سهل ما الي فخر بيك

الفخر من تصعب انت وانا اسهلك

ما دامك طير تحتاج انا اربيك ... وبأيدي افتح جناحك وانا اشكلك

ترا خيطك بيديٌ لتروح لبعيد .. بس تلعب بذيلك والله انزلك

خابص نفسك انت وكالب الكون
شنهي الخالقك ما خلق مثلك؟؟؟

صحيح الخالقك بيك اعتنى هواي.. و مو بس معتني مبدع بشكلك

لكن يا نجم لا تنكر الليل .. لوما الليل محد شاف شكلك

و عليٌ بايع ثكل . بس انا مرتااح
وحبي يزيد كل ما زاد ..ثكلك

ما ابدلك لان ربك امرني ... واذا يخلقلي ثاني يجوز ابدلك

واذا بدلتك انا افترض فد يوم ... هم اكره بديلك حته حتى اردلك

احبك حب فلا مر على انسان.
احبك حب فلا مر على انســــــــــــــان

تدري شكد احبــك ؟؟؟.... راح اكلك

اذا انت حبل وتشد ركبتي. واحس بروحي تطلع ما افلك

واحس بروحي تطلع .. ما افلـــــــــك


منقووول

الله الله الله قصيدة غزليه وجدانية اتخبل رائعة جدا
تحياتي الك حبيبي انته العراقي ياطيب كلك ذوق منور



اذا أنته حبل وتشد ركبتي.واحس بروحي تطلع ماافلك (الله الله روعه)

شكرا لك على الكلمات الجميلة

وعاشت ايدك على القصيدة

تقبل مروري

عاشت ايدك يالطيب على هذا الإختيار المميز والنقل

كل الشكر لك عزيزي

تحياتي لك

عمي والله قصيده اتخبل ( ادري لازك لزكه جونسن )ههههههههههههههههه تحياتي الك يالعراقي الورده