معذبين ..
والوكت يمطر عالمنازل ليل حاير !
وفرحه مذبوحه بزغرهه
وتضحك حلوك الخناجر !!
وتكلي اصبر .. واه يروحي .. شلون نصبر ؟
وصرتي سورة فاتحه بدرب المكابر !!
وصرتي سالوفه وتطش ع الناس باجر !
وبعيني شفته مات باجر !
ولاكو جنازه التشيعه !
وانذبح مظلوم باجر !
حتى دمعات القصايد حركت خدود الدفاتر !!
ومنين ماديرن عيوني اتشوف نار !
وجار يحرك بيت جاره !
والي يحرك بيت جاره شلون جار !!؟؟
وصوت ام حاضنه تراب الرصيف
مبسطه بجمبر جكاير !
حتى ماتعتاز وللناس تمد اديهه !
حتى من يفز ابنهه بليل جوع يلاكي خبزه !
حتى من يصيح يمه ... تكله ها ..
انه امك .. يمك امك ..
اني بدموعي اشتريلك يبني عزه !
ومن يجيني الليل الوليك حتى تغفه !
ويوم تغفه ومن تنام !
افتح شبابيج عيني !
وابجي وحدي .
وحتى ابجي الليل وياي اعله حالي
ومن يطر الصبح تصحه وتشوف امك
امك تعاند وكتهه وتصير لعيونك قويه !!
وي صيحة الاذان تطلع تبيع للوادم جكاير !!
ومن الف نعله اعله خلكي وين ياخذني ويسافر !
وانه خلكي بطول صبرج يلفه دخان الجكاير .. خلكي شاعر ..


الف تحيه لكم احبتي من اخوكم ماجد الشاعر
بس اني ما ادخن ....

وبعيني شفته مات باجر !
ولاكو جنازه التشيعه !
وانذبح مظلوم باجر !

نعم عزيزي هذا هو قدر العراق بلا رحمة

وهذا هو قدر ابناءه ينتظرون الغد بعيون حيرى

وهذا هو الواقع الذي ماعدنا نحبه ولا نرضاه

مؤلمة كلماتك ونزفت حير ة وعزة واحزان وكبرياء

وهذه كلها تجدها في ابن العراق وأمه وابوه واخوه وحتى طفله الذي ينتظر الأمل

دمت ياصانع الكلمات وعذرا للإطاله

لان اصابعي تسترسل بالكتابة حين يحضر الوطن في فكري دون ان اشعر

عزيزتي ام فيصل الغاليه لك مني كل الشكر والاحترام وسلمتي لي وانا ممنون خدا من استرسالك الجميل وكلماتك عزيزه على قلبي .... اخوك ماجد

عزيزتي ام فيصل الغاليه لك مني كل الشكر والاحترام وسلمتي لي وانا ممنون خدا من استرسالك الجميل وكلماتك عزيزه على قلبي .... اخوك ماجد

تسلم يا ماجد قصيدة في غاية الروعة