اليتوضه وينام يبطل الوضوء والتبات بحضنه غيبه
يغتسل باقرب نهر على الاحوط مرت بجرفه حبيبه
لو سمعها يشطف اذنه نص نهار بصوت تغريد البلابل
ريحة البارود محضورة بتاتا
واليلامس سيف يكفله يتيم
اليمس خد الورد
كفارته يزرع حديقه
الدعاء بلا شعر
للناس للحب للامل ما مستجاب
ولو اجه فرض القصيده
ما تصح تكتب قصه
اليعض شفته بوجه باب الشتيمه انتصار
والعراقي الينحني بنية وقوف
ايعبر للجيل الوراه
ما يطب الجنه من يرعب فراشه
اثم اليصنع وساده عمد من ريش الحمام
الشهور الحرم عشرة
الباقي عيد
النخله اءم
شجرة التفاح اءم
ونومة العاشك عباده
شرط ما ناسيله موعد
اليطوف الناس بحرام المحبه
حجته مقبوله ولا يحتاج للكعبه وصول
واليصلي وقبلته رموش الفقير
او ما اجه اباله اشحجه اشكال الامير
اشلون ما رايد يكبر خلي يكبر
العشك اقرب طريق
لباب حنية الاله
والكلوب الليلو وكلاده عرش



تحيات



هاشم نحم

الله كلمات رائعة جدا جدا جدا
ومعاني وتعابير في غاية الجمال
شكرا لك على هذه الوحة التجريدية التي نسجها قلمك المبدع
سلمت يداك وبوركت اخي العزيز
تقبل تحياتي وننتظر من رسمك المزيد

والله خاطرة في غاية الروعة ياهاشم

سلمت يداك التي خطت مسائل بحروف عاشق

احسنت وبانتظار جديدك

تحياتي