ياسر الاله ومنبع الايمان
ويانبض الحياة وحكمة الباري
الزمن من يوم دم حسين
شك صوت السماء يصيح ياثاري
عفوا سيدي وعذرا ابا السجاد
ذليله كبال دمك صارت اشعاري
شأوصف بيك وانت شما اوصفك فيض
وتتخالف صور والوان بفكاري
اذا بيرغ اكول الدين
دمك صار اله الساري
ورمز كل الرموز صفيت
ياعنوان واضح والدهر قاري
يل لاويت وحدك بالالف سبعين
ولهذا اليوم مو بتراب متواري
الكلوب فراش الك مفروش
وغطاك ارواح ما متغطي بالذاري
سوك الموت ماطبه كبل شراي
بس انت الكصدته وكلت انه الشاري
شريت وكت شريت اجيال
ولو سبعين اني واهلي وانصاري
السبعين صاروا بالضمير اعلام
والف سبعين راحو لفهم الذاري
وكفت والموت عين بعين
ودنك والخجل بالموت هز صاري
وكال الموت منهو انه واباري حسين
وكباله عشر معشار مقداري
وحتى لو يطيح حسين
ونشرت بروحه منشاري
اظل انه الذليل وما اشيل الراس
ويظل هو الشموخ وبالوصف ضاري


سلام على الحسين وشكرا لكم احبتي ماجد الشاعر

سلام الله عليك يامولاي ابا عبد الله الحسين
تسلم وتعيش على هذه القصيدة الرائعه
جعلها الله في ميزان اعمالك
تقبل تحياتي اغاتي انته

الف شكر على كل كلمة سطرتها بحق ابو الأحرار

ماجد الشاعر والله ان كل حروف الهجاء وكل تعابير الكلام لاتفي مقام حضرة مولاي

احسنت وأجدت وأبدعت

تحياتي لك

السلام عليك يا سيدي ومولاي يا ابا عبدالله الحسين
تسلم اخ ماجد وبارك الله بيك قصيدة في غاية الروعة

ماجد الشاعر
احسنت وطيب الله انفاسك على هذه القصيده الولائيه


جعلها الله في ميزان حسناتك

تحياتي

العراقي

عاشت الايادي اخي العزيز ماجد
شكرا على الابداع تقبل تحياتي اخي العزيز

تحياتي الك ياماجد قصيده ولا اروع منها اللهم اجعلها في ميزان حسناتك

اخي العزيز محمد السوداني لا املك امام هذا الكم من كلمات الثناء الا ان ادعو لكم بالصحه الدائمه سلمت حبيبي ..

والف شكر لك مني سيدتي ام فيصل وانتي تسطرين حروفك على متصفحي كلماتك تسعدني

تحيه لك اختي ملكة الاحساس ودعواتي لك بالتوفيق شكرا لمرورك الكريم

وطيب الله انفاسك حبيبي مصطفى ممنون منك جدا واشكر مرورك المستمر على متصفحي

تساملمي حبيبي عاشق كاتالونيا وممنون منك ولمرورك الجميل تقبل ارق التحايا من اخوك ماجد

حبيبي الزير الروماني تسلم وممتن منك جدا ومرورك الجميل يشعرني بالسعاده

السلام عليك يا سيدي ومولاي يا ابا عبدالله
ورحمة الله وبركاته
قصيده رائعه
عاشت ايدك اخي ماجد الشاعر
الى مزيد من الابداع والتاءلق
اخوك
هاشم نجم

شكرا حبيبي الغالي هاشم ممنون منك جدا