:66 (185):بسم الله الرحمن الرحيم

اخواني اخواتي حاب اشوي اعرفكم على نفسي اكثر وانشالله تعرفوني زين

1.انا سيف على هاشم عبدالله الجبر الساعدي
2.ولاده بغداد بس عمري ما عشت بي بغداد انا بصراوي دمي يكول بصره روحي بصره وعطري بصره كلشي بيه بصره وبس
3.انا في سنه 1999 سافرت على الاردن ورجعت من الاردن الى العراق سنه 2003 وبعدين سافرت على سوريا 15 يوم وكرهت روحي بسوريا فقررت اسافر على لبنان وعشت في لبنان 2 سنتين وانا مقدم لجوء على اي دوله ترحم بحالي وبحال اهلي لئنو انذلينه اهواي بل غربه حتا الحايط بجه علينا لئنو صدك ضكنه طعم الذله اشتغلت في لبنان سنتين واخيرن شهر السابع في لبنان طلعلي الجوء على استراليا انا فرحت وره اسبوع اجاني تليفون من المنظمه انو فايلي انتقل على امريكا كلت مو بطال هي الحجي بي شهر سبعه في سنه 2008 وسافرت على امريكا وصلت والحمدالله وانا صارلي 3 شهور في امريكا وضايع من كلشي وخاصه انكليزيتي مو قويه وهنا نص الكلمه ياكلونها وانا ابوي على عهد صدام زغر عمري علمود ما افوت الجيش سواني انا واخوي الزغير توم واحنا جذب مو توم وسوه عمرنا 14 سنه كلنه خلصنه من كلشي وانا عمري الحقيقي 20 وهنا بي امريكا فوك 18 يالا يشتغل وتعرفون انتم الجديد يكون ضايع فا المنظمه الي مستلمتني كالت اشكد عمرك الحقيقي كلتلها وهسه كاعد يمشون بورقي علمود ايسون عمري 20 واللحمدالله اكدر اعين ابوي لئنو ابوي رجال جبير ومريض الله يبعدكم عن المرض عنده كهرباء في الدماغ من ورى صدام ابوي كان براد جوي يعني مساعد طيار وصاحبه سجله شريط على اساس انو ابوي يريد يودي اسرار الطيارت الى ايران وهيج حجي جذب فسجنوه سنتين ونص وتعذب هواي المهم هي قصتي انا وانشالله الوضع يرد للعرق ونرجع كلنه امين يا رب اخوكم خادم شباب الرافدين سيف العراقي

حبي سيف حالك احسن من حالي
انب حالي يبكي الكافر انا في العراق
بلد الشقاق والنفاق وانت في امريكا وما ادراك ما امريكا
والنوب محصل لجوء الله يساعد الباقين هنا اما عن الغربة
فانا غريب في العراق لاني من العوائل المهجرة
تهجيرا طائفيا داخل بلدي وانا غريب
واصعب الغربة هي ان تكون غريبا في بلدك
واتمنى التوفيق لجميع العراقيين في كل بلدان العالم
وتحياتي الكم

والله بصراحه ياسيف ألمتني هواي بقصتك والله يعينك ويساعدك
وان شاء الله بامريكا تستقر وتعيش حياتك وشويه شويه تعرف نكليزي
لتضوج وتكوم حتى ترد عليه بالمنتدى نكليزي ومنفتهمك كلش ههههههههه
واما بالنسبه اسد العراقي والله تأذيت عليك وممبين عليك شو دائما مرح
وياربي ترجع لبيتك ونعيش حياتنه بأمان
تحياتي الكم

لااله اله الله شنسوي اخوان لازم نخلي امل برب العالمين كبير
بعدكم شباب والعمر كدامكم وكلشي يهون اهم شي عايشين وموجودين بالمنتدى اهم شي هههههههههه
ياربي تنحل كل المشاكل
ويرجع يستقر العراق يارب

والله يا اخوي ان شاء الله ترجع للعراق
ويتحسن حالك
الله يساعدك
ويخفف عليك
واحنا هنا كلتة اخوانك واخواتك
العراقين كلهم على هذا الحال
الله يفرج على الجميع
واخي اسد العراقي
ان شاء الله ترجع لبيتكم
والله يحفظ الجميع

مشكورين على كل رد من قلبكم وانتا يا اسد الله يهين عليكم وترجعون البيتكم وترتاحون من كل هم وتعب بحق النبي الكريم

اخي سيف حالك احسن من حال هواي شباب لاحول لهم ولاقوة
الغربه في بلاد غريبه اهون من ان تشعر بالغربه وانت بوسط اهلك واحبابك
وان شاء الله ترجع للوطن لان دوام الحال من المحال
تقبل مروري

الله يساعدك اخي العزيز
كل عام وانتم بخير
تحياتي للجميع

اللهم يا مفرج الكروب
ان يفرج كروب كل المسلمين
وان ينعم كل المسلمين بالامن والامان
ويعود العراق لسابق عهدنا به
ويتجمع الشمل للكل مع من يحب

تقبل مروري اخي
وكل عام وانت بكل الخير