اذا ماحبج انتي اشلون احب الناس
يا أول غرام بزغري وبكبري
واذا ماأشوفج انتي اشلون اشوف الناس
واني بغير شوفج بي قصر نظري
حبيتج سهر وايامي غابت ليل
وبس وياج اسهر يابعد عمري
اذا مو الج اكتب ماأحس بالشوك
واني لعلمودج اكتب بشعري
جربتج اهواي وشفتج اوفه الناس
يا أول حبيبه اتحملة قهري
اسئليني بحياتي شكد تمر نسوان
ليش انتي الوحيده الباقيه بفكري
واسئليني ابحياتي اشبيهة من هموم
ليش انت الباقيه بصدري
يا اجمل محطه البيهة كلبي ارتاح
يانهر الحنان بالكلب يجري
تغفه عيون ويامه ويامه نامت ناس
واني ويه الاشواك ملتهي بسهري
اقرب من اشوفج واحترك مرات
واحسب من بعيده ويختنك صدري
ويمر طيفج هوه واحتار اشمه منين
وشكو احلى بعمري من الهوى العذري
وتسئليني احبج أي والله والعباس
وبس ليش احبج والله ماأدري


------------
أهداء إلى ملكتي بمناسبة رجوعها إلى الوطن الأغر

والله انت صج ملك على هذه القصيدة ياملك العراق

ابدعت باختيار الكلمات وتنسيق العبارات

تحياتي لك -- ومبروك عودة توأم روحك للوطن - والفال لكل مغترب انشالله

تقبل مروري

اهلا وسهلا بك اخي العزيز
منور المنتدى بجودك
قصيده رائعة جدا احييك واتمنى لك المزيد من الابداع
تقبل تحياتي
وننتظر منك المزيد

قصيده في غايه الروعه والجمال

شكرا لك اخي العزيز ولما خطه قلمك المبدع

وتقبل مني خالص الود والتقدير