اخواني وأحبابي : السلام عليكم ورحمة الله وبركاته

اليوم جبت لكم لعبة جديدة ومسلية -- وشرطها الأساسي الصدق


اللعبه عبارة عن دخول الشخص للعبة ويعترف بصدق عن الأشياء الحلـوة الي فيه

والأشياء المو حلوة الي فيه -- واعيد واكرر اخواني وبدون احراج

(عنواننــــــــــــا الصدق )


وخلينا نبــدي ونشــوف منو الشخـص الي يحب يبتدي


همتكم اخواني ورمضان مبـــــــــــارك عليكم جميــــعا

وعليكم السلام ورحمه الله وبركاته


طبعا اولا شكرا لكي ام فيصل على اللعبه الحلوه

والاشياء الحلوه الموجوده بيه ما اكدر اكولها لان اي شخص
ما يكدر يقيم نفسه وانما الناس تقيمه فعذرا

اما الاشياء المو حلوه هماتين ما اكدر اكولها لان هماتين الواحد
ما يكدر يقيم نفسه لان الناس والمقابل يوصفه ويقيمه

وشكرا لكي من صميم قلبي على اللعبه الحلوه

وكل عام وانتي بالف خيــــــــــــــــــــــــــــــــــــــر

اختي ام فيصل يالله ابدي انتي اعترفي

اي والله على راسي كلامج اخت ملكه
ابدي ام فيصل وملكه وراج

ليش مو انت وراها يسلم راسك اخ حيدر شنو انت تعزم براسي

ولا يهمكم حبايبي غالي والطلب رخيص

بس آنه ماأقبل اي واحد يتعذر بأي عذر ومايشترك زين ياحيدر ؟

الهدف هو معرفة مقدار صدق المشارك -- يعني اكتبوا عـن الصفات الي تشوفوهه حلوة - والي مو راضين عنهه


يلله راح ابدي -------------

1 _ اعترف اني مسالمة

2 _ اعترف اني عصبيه بعد ان يخلص صبري

3 _ اعترف اني صبورة حتى النخاع

4 _ اعترف اني ضعيفة وماأكدر آخذ حقي الضايع

شكرا ام فيصل على الصراحة الحلوة وهاي وحدة من صفاتج
اني خوش ولد
كلبي طيب اكثر من الازم وهاي مشكلة
احيانا عصبي اذا شفت شي مو على المرام
دمعتي رخيصة يعني اتاثر بسرعة بالاحداث الي حولي
وصريح جدا وهاي هم مشكلة

ام فيصل هذي لعبه لو اعتراف
شو اني اول مدخلت بعدني يا الله رأسن هويتك اخي بلازحمه هههههههههههههه
اني شاب اريحي واحب اصنع المواقف الطريفه
عصبي اي لكن ابرد بحجايه وخاصة اذا كانت من الكلب ومن شخص احبه وحترمه وماحب اخسره
المشكله الي اعاني منه هي اني اهواي مزاجي ومزاجي بأغلب الاحيان بطرف انفي
احب الاستطلاع على كل مايمر تحد ايدي من كتب او روابط او عناوين او ماشابه ذلك
يعني مدخل خشمي بكلشي ههههههههههههههه
الغربه خلت كلبي اقسئ من ما كلن بالعراق هذا الشي بي ايجابياته وسلبياته ولو اريد اوضح ماراح اكمل الباجر
هاي الي اكدرت اشارك بي وبكل صراحه
تقبلي تحياتي وشكرا لك مرة ثانيه

لعبه حلوه اوي ام فيصل
ويسعدني ادخل وياكم
عيوبي عصبيه موووووت ومش بهدى بسرعه
حساااااااااااااااااااااااااااسه لحد المرض
معرفش اجامل ولو هيموتوني
لكن
طيبه جدا جدا
متسامحه جدا
واننسى بسرعه
وكريمة:1:

مرحبا بكم اخواني اسد ومحمد والعزيزة سندريلا

وشكرا لمروركم ومشاركتكم -- والي تحبون تكتبون اعتراقات ثانية مافي مانع استمروا

المهم نعرف اطباع كل واحد منا للثاني ونفهمه -- تحياتي لكم ورمضان مبارك

واعترف اني

حنونه جدا وخاصة على كبار السن والأطفال يعني اذا شفت رجل مسن او عجوز في اي وضع تنزل دمعتي

واعترف اني قليلة الكلام في المجالس وكثيرة الإستماع يعني مااتكلم الآ لما يوجهولي سؤال

ياجماعة وينكم ؟

تره لعبه حلوة وفيهه تحليل جميل لشخصية الواحد فيكم


يلله حبابين من الشجاع الي يدخل ويتكلم بصدق

اني الحباب الي راح احكي
اني في احيان مرة علية
ما يعجبني العجب ولا الصيام في رجب
ولكن في وقت الهسة
كلش هاديء
واتعصب بصعوبة يعني الا واحد يدوس بمصاريني

مو تدري خويه الواحد لما يكبر وينضج

تتغير افكاره ومفاهيمه -- حته مرات يكوم يضحك على بعض المواقف

الي كان يتصرفها قبل

والحلم سيد الأخلاق -- وهذا شي زين ماتعصب بسهوله

شكرا لمرورك ياأسد ( يعني انت حليم )

هلو عبد الحليم حافظ شلونك وشخبارك
العفو عبالي طلبات المشاهدين

راح اعترف ....
والله اني ما مسويها
همه كالولي خلي هاي الحاجه يمك
والله معليه وشعليه وليش تبسطون بيه

اني اعترف
عصبية وانفعل بسرعة بس قلبي طيب
وبعد مااعرف

اعترافك مو مقبول ياحيدر

ارجو منك الأعتراف بجد

سلمت على المرور ابو كرار

المهم قلبج طيب ياملكة

والإنسان القوي هو الي يمسك نفسه عند الغضب

مشكورة على المرور عزيزتي

اعترف اني انسانه بسيطة وقنوعة

وماأحب المجاملة -- ولاأحب الغرور

وماأحب الإنسان الفضولي

اني اكثر شيء اكره
الانسان اللجوج يعني يلح هوايه
والملحه الهواي بلي ملح

مشكور ياأسد على المرور

والملحة صفة مو حلوة وتخسرك اصدقاءك والناس

تحياتي لك

اني احب اعترف واقر
انو اني انسان هادئ جدا جدا جدا جدا جدا جدا جدا جدا

شكرا للمرور يامحمد

والهدوء مطلوب بس مو في كل الأوقات

تحياتي لك

واعترف اني ماعندي صديقات الا وحده لو اثنين

وماأحب الخروج من البيت الا للضرورة يعني (بيتوتية )

واني اعترف وبسبق الاصرار والترصد
انو كلبي طيب وحبكم وحب كلمن يحبكم

وانا انسان صريح واحب الصراحه بس في بعض الاحيان نطر على ان نكون غير صريحين بس انا الي مخسرني اصحابي وكل الي اعرفهم صراحتي وانا هذا طبعي ما اكدر اغيره مكشوررررررررررر على مروري

ومافي احله من الكلب الطيب وحب الناس

مشكور يامحمد على اعترافاتك

والي تبين طبيعة شخصيتك

احم احم السلام عليكم
اني واعوذ بالله من كلمه اني ولكن للضروره احكام
اعترف بأنني انسان هايء بسيط

واكثر صفه اكرها بصراحه هيه الخيانه ....يتبع

صفة حلو ة ياحيدر البساطة

وهذا دليل على قناعة الشخص بما هو مكتوب له

والخيانه صفة منبوذه من الله قبل البشر


كل الشكر لمرورك اخي

مساءك جوري يا اخت ام فيصل
احب ان اشارك اعترافي في هذا المكان الصريح
اني هادئة جدا وطموحة واحلامي وردية
وابحث دائما عن السعادة
والاستقرار الناتج عن الحب والتفاهم
لكن الشي الي مو حلو عندي
دمعتي بطرف عيني

وعاشت ايدك يا اختي ام فيصل
على اللعبة الجميلة
تحياتي وامتناني
:66 (46): همسس الررووح :66 (46):

منورة اخت همس الروح
واني اضيف على اعترافاتي
عندي حب استطلاع في كل شيء

اني اليوم عندي اعتراف من كل كلبي
انو اني حزين ومكضيه بعد الفطور بس كهوه وجكاير
واحس انو اليوم ابدا مو يومي

مرحبا بك عزيزتي همس الروح

ومشكورة على اعترافاتك -- ومسـألة الدمعة بطرف العين ماهي شي سلبي بحقج

هذا دليل على انك انسانه حساسه جدا - ولو ان البعض للأسف يعتبره ضعف

شي حلو ياأسد حب الإستطلاع ومعرفة مايدور حوالينه

الحياة في تقدم مستمر ونحن بحاجة للأفكار والإبداعات في كل المجالات

مشكور عزيزي

خير انشالله عزيزي محمد

عسه مافي شي مكدر خاطرك ؟ تمر علينه كلنه مثل هذه اللحظات - وفي بعض الأحيان تكره حته نفسك

وتحب العزلة -- وكل هذا شي طبيعي لأن النفس البشريه معرضة لكل الظروف

لو انك حاولت قراءة كم آية من المصحف الشريف كنت حسيت بشئ من الإطمئنان والراحة النفسية

يوم ويعدي انشالله -- اسعد الله كل ايامك واوقاتك -- بس صدكني حته لو اوقاتك كلهه سعيدة

هم راح تضوج وتكول مليت من هالروتين مو صحيح ؟؟؟؟؟؟؟؟؟؟؟

تمنياتي لكم جميعا بأسعد الأوقات الإيمانية في هذا الشهر الفضيل

(( دوختكم بكلامي اعذروني ))

مساء العسل
اعترافي لهذا اليوم انه اني
دائما اي شي الي اريده مدى يصير الي
الحظ مدى يتوفق معي
والمعين الله
تحياتي
:66 (46): همسس الررووح :66 (46):

مساء الأنوار عزيزتي همس الروح

مسألة تحقيق الأمنيات هذه بيد الله سبحانه وتعالى ولا علاقة لها بالحظ

والتوفيق منه لأنه يعلم الغيب -

فلا تيأسي غاليتي فليس كل امانينا تتحقق

نحن نسعى وما التوفيق الا بالله

اتمنى لك كل الخير - وتحقيق كل ماتتمنيه ( والصبر حلو )

شكرا للمرور الكريم

تحياتي يالغالية اختي ام فيصل
اعترافي اليوم هو اني اخلاصي ذابحني
ومكره الناس فيني وبعد الصراحة فيني هم
معذبتني
الاخلاص جميل ولكن اذا زاد عن حده يكون مرض
والصراحة شيء ولا اجمل ولكن دون جرح مشاعر الاخرين
وانشاء الله اخواني يفهموني وما يزعلون علية
وتحياتي يـــــــــــــــــــــــــــــــــــــــــ:66 (46)::66 (46):

هله بالعزيزالغالي أسد

الأخلاص صفة محمودة عند الله قبل البشر وقد قال رسول البشرية في حديثه

(( إن الله يحب اذا عمل احدكم عملا أن يتقنه )) والإتقان هو الإخلاص

وبالنسبة للصراحة

ايضا جيدة ولكن كما قلت احذر ان تجرح الذي امامك بهذه الصراحة

لأن احيانا الإنسان تتطور عنده هذه الصراحةوتصبح جرأة كبيرة امام الناس وتصبح طبع من طباعه

مما قد ينفــِّر منه الناس ( واذا تطورت الصراحة هذه الى جرأة كبيرة فلم يعد يبالي لا بكبير ولا بصغير ))

كانت تلك هي الطامة الكبرى لانها حينئذ سوف تتحول وانا آسفة الى (( وقاحة ))


لكنك عزيزي اسد اذا كانت صراحتك للمصلحة العامة او ربما لمصلحة المقابل فهذا شئ جميل

شرط ان تكون بدون تجريح

احترامي لمرورك يالسبع

شكرا اختي الفاضله على الموضوع
تقبلي تحياتي ودمت بألف خير

حياك الله عزيزي

وكل الشكر للمرور

تحياتي لك

شخبارج يمة وين ضامة هذا الموضوع لكيته بالصفحة الثانية واريد اشارك بي
اذا امكن ههههههههههههه
اعتــــــــــرافي :

1.عصبي الى درجة مو طبيعية يعني راسي يكوم يوجعني من الاعصاب وعلى اي شي
يفور الدم واتخبل من الخطأ اذا بالشغل او الجامعة .

2. مرات مبذر وامشي على القول اصرف مافي الجيب يأتيك مافي غيب
ومرات افكر وين احط فلوسي وين ... يعني هيج وهيج

3. ادخن هواية وافكر هوايـــــــــــــــة يعني باكيتين ونص باليوم وتوصل 3 واذا معصب من شي توصل 4 يمكن من دخنت لحد الان على اربع باكيتات كمجموع سبع او عشر مرات

4. الي بقلبي على لسان وبسبب هذا الشي اخسر هواية من اصدقائي لان ميصرفه الحجي حتى لو يعرف انه غلطان

5.الدراسة اذا مااتضايق ماادرس هسة الاحد عندي امتحان فاينال دور التكميلي لحد الان مقاري ولا شي يعني اسخت هواية ومن يطلعلي انذار نهائي بالجامعة يلا اداوم بأنتظام

6. اشرب قهوة ونسكافيه هوايـــــــــة وماانام بليل دائماً حياتي اتكون بالمقلوب
يعني اذا اكدر انام الصبح واذا مااكدر ابقى يومين كاعد 3 ايام واليوم الرابع انام بي 22 ساعة
خخخخخخخخخخ

كافي من اتذكر شي اكتبه ههههههههههههههه

عاشت الايادي يمة على الموضوع الاكثر من روعــــــــة

مشكوره أختي ام .مهند
على الموضوع الجميل

شخبارج يمة وين ضامة هذا الموضوع لكيته بالصفحة الثانية واريد اشارك بي
اذا امكن ههههههههههههه

ميــّة هله بوليدي الغالي -- والله خوش مواضيع عندي جانت بس راحت ويه الي راحوا


اعتــــــــــرافي :

تفضل عيوني اعترف وبصراحة



1.عصبي الى درجة مو طبيعية يعني راسي يكوم يوجعني من الاعصاب وعلى اي شي
يفور الدم واتخبل من الخطأ اذا بالشغل او الجامعة .

ليش هيه الدنيه تسوه واحد يصير عصبي
صدكني محد يخسر غيرك -- الصحة تاج
2. مرات مبذر وامشي على القول اصرف مافي الجيب يأتيك مافي غيب
ومرات افكر وين احط فلوسي وين ... يعني هيج وهيج

مو صحيح -- لازم تكون وسطي وتعرف ان القرش الأبيض ينفع باليوم الأسود



3. ادخن هواية وافكر هوايـــــــــــــــة يعني باكيتين ونص باليوم وتوصل 3 واذا معصب من شي توصل 4 يمكن من دخنت لحد الان على اربع باكيتات كمجموع سبع او عشر مرات

التفكير ضروري للإنسان عشان يلكه حل لمشكلة او سالفة شاغلته -- بس اكثر من اللازم مو زين
والتدخين مافي داعي اكولك على مضاره لأنك ماشالله عليك فاهم وذكي وتعرف مصلحتك



4. الي بقلبي على لسان وبسبب هذا الشي اخسر هواية من اصدقائي لان ميصرفه الحجي حتى لو يعرف انه غلطان

الصراحة حلوة بس لاتتحول الى جرأة وعدم احترام -- والي ميصرفله هالكلام الله معاه
واذا هو صديق حقيقي راح يتفهم صراحتك



5.الدراسة اذا مااتضايق ماادرس هسة الاحد عندي امتحان فاينال دور التكميلي لحد الان مقاري ولا شي يعني اسخت هواية ومن يطلعلي انذار نهائي بالجامعة يلا اداوم بأنتظام

ياويلك من امك اذا عرفت بالموضوع - اكيد راح
تزعل هوااااااااااااااايه - وزعل الأم مو شويه
المستقبل هو الحياة



6. اشرب قهوة ونسكافيه هوايـــــــــة وماانام بليل دائماً حياتي اتكون بالمقلوب
يعني اذا اكدر انام الصبح واذا مااكدر ابقى يومين كاعد 3 ايام واليوم الرابع انام بي 22 ساعة
خخخخخخخخخخ

وهالشي راح تتأذه منه مستقبلا ويبين عليك
فقدان التركيز - العصبيه - فقدان الشهية للأكل
الإرهاق -- ضعف النظر - واذا تريد هالأعراض
تصير فيك ابقه على هالوضع

كافي من اتذكر شي اكتبه ههههههههههههههه

اعترافات خطيرة مشكور مهند
على المشاركة -

اعترف


اني حبيتكم اعضاء حلوين وبنات اجمل من الجمال

واداره ممتازه ويا ميت الف ول كم

منور عيوني النجم الساطع وانشالله دوم تظل ساطع في سماء منتدانا

حياك الله وشكرا لمحبتك عزيزي

منور عيوني النجم الساطع وانشالله دوم تظل ساطع في سماء منتدانا

حياك الله وشكرا لمحبتك عزيزي


اعترف

اعترف الله امحييك ام فيصل

انتي غاليا علينا وربي يوفقك

ام فيصل
اني ماعندي شي اعترف بيه
تحياتي لك

اعترف اني اشتقت للوطن وزيونه واسد العراق و عائلة اسد العراق