من اوصف جمالك كون انصف اني وياك
وموسهله من اوصفك صعبه كلش هاي

اذا انت العسل من ضاك طعم شفاك
من شده حلاتك طلب طاسه ماي

كلي بيش اوصفك يالحيريت الروح
كابلني الوصف محتار ضل وياي

اذا حتى الشمس من صدهه نور البيك
صرخت بالسمه بويه انعمت عيناي

اشفافك من حجت عزفت لحن مجنون
اطلعت كلهه الحيايه وركصت بلا ناي

وجدمك من مشت صفنت عيون الكاع
وما رمشن رغم تسحك عليهن جاي

وبجت عين الورد من شافتك بالسوك
شراك السوك كله وهيه ما شراي

ياحال استكانك اللي تحضنه شفاك
وانت بلمست ايدك خدريت الجاي

مقام ليمنتي جي لمستك سويت
واطوفن بالصحن واتعبد بيمناي

من اراء كلبي ردت واحد بيك
وصفت عركه اعله مودك راي ينعل راي






منقول

راقيه جدا واهنيك على هذا التالق شكرا جزيلا سيدتي الملكه ...........

عاشت ايدج خيتي
تقبلي مروري

قصيده رائعه سلمت يداك ,,,,,,
ودام لنا قلمك عازفا على اجمل الكلمات
تقبلي تحياتي

الله عليج ياملكة الإحساس

عاشت ايدج وصح لسانج على هالغزل المو طبيعي

كل الود والتقدير لك عزيزتي

انتي ملكه وما تحتاجين الا التاج عاشت ايدچ خيتي اليوم جايبه قصائد مو طبيعيه مبروك عليچ وعلى مجهودك الرائع

شكرا اخوان على مرورك والله خجلتوني
شكرا يا ابو حيدر شكرا محمد السوداني
ومسره وام فيصل وماجد الشاعر والله
اسعدتوني بمروركم

حلووووووووووووووووووووووووووووووووووووووووووووووو

يستاهل الحلو نعمله مقام

ونحسد اليكدر يطوف بيه

كلك احساس يا ملكة الاحسلس
عاشت الايادي يسلمووووووووووووووووووو

ياحال استكانك اللي تحضنه شفاك
وانت بلمست ايدك خدريت الجاي

مقام ليمنتي جي لمستك سويت
واطوفن بالصحن واتعبد بيمناي

قصيدة جدا جميلة وحساسة شكرا يا ملكة الاحساس