اخواني -- واحبائي

شجعتوني بردودكم -- كلت بعد راح احاول والفضل إلكم




روحـــي لجـل وصـلــك تـظــَل هــــــايمـه


دلــوني اعـلــه بيتــك وكـــالوا هـــــايمـه ( هاي امـه )


نخيــت امــي وكـلت هــــــا يمـه

دخيلــج روحـي خـطبيهه إليــّه



مـع تـحــيــــــــــات / عاشــقـة تــراب الــعراق


ام فيصـــــــــــل

والله بدون مجامله ابوذيه جيده والجناس واحد والمعنى مختلف تحياتي لكي ام فيصل

شكثر شوك بدليلي وانت داري
صديقي انت وحبيبي وانت داري
كلبي شلون اهجرك وانت داري
انت ويه النفس تصعد سويه

تحياتي لكي يا ام فيصل المبدعه
بيت ابوذيه في غايه الروعه
كل عام وانتي يالف خير

مشكور يادكتور ياروماني على هذا الرد

الصراحة فرحتني بردك لان التلميذ يفرح من يثني عليه معلمه

لك مني كل الأحترام والتقدير يامعلمي وشهادة اعتز بيهه

حيدر اخويه

منو كدي اليوم اخواني يمدحوني ويشجعوني

اعتز كل الإعتزاز بردودك خصوصا من تجمــّلهه بأبيات شعرية

الله يخليك ياصائغ الحروف

الاخت ام فيصل الغاليه
والله بيت في منتهى الروعه والجمال..
واشد على ايدك لتكملة هذا المشوار ..
اخوج الصكر

سيد الكلمات الف هله بيك وبمرورك

هذي شهادة ثانية اعتز بيهه من مخضرم

كل الشكر والتقدير لحضورك