السلام عليكم جميعا
قصيدتي بعنوان:
احبك...عاشق،ولهان...
بقلم: محمد الذرب
احبك كلمه ماتنكال لياهو الجان
وانه اعشكك والله اعترف انه
الحب ماهو جريمه وشبهه عالولهان
أحبك من ينطقهه بشر يتزلزل لسانه
اجمل شعورالحب ونحسه احنه هواي
لعدياهو اليحلي الدنيا ويذوب المهانه
شفانه...
مرضه احنه وحبنه داوانه وشفانه
اويامرض يبقى من نطبك شفانه
حضنته وحضني وواحدانةماعرفه شفانه
انتشرت مكبل وصاحت الدنيا عليه...
كلبي بكلبه متصل اوبيه صرت مجنون
احسه امانه اليه وجوه العين تنضم الامانه
مكبل!وشنويعني لو جنت حبيت
وشلون منحبه الي بسهامه صوبنه ورمانه
مهيوب انه حبيبي وشايل جمال هواي
برموشه ذوبنه وبعيونه دمرنه وعمانه
ذكرياتي وياه مثل النجوم هواي
مثل الكمرمتربع بنص عيني ميفارك مكانه
شايف حبيب العشك مسوي هيج وياه؟!
حبيناه واذاتعرفه رح تعرف شجانه!
ساكن شرايينه وامشي ويه الدم
وحبه يسكرالمايسكراذاحب عيونه حانه
شنومن حبيب الماينساه حتى طيف الليل!
وشلون ميحبه الي يحس بحنانه؟!!!
هوانه...
شلون عايش الماضاك عشكنه وهوانه؟!
وشلون يتنفس الما يشتم هوانه؟!
شكد تحالفواضده او رادوا هوانه
احبه الماعثر رغم كثر الاذيه...
هذا عراق ياهو الشافه ظل مذهول!
رغم اليجري ظل ملك عصره وزمانه
ظل شامخ بعلوالجبال الشامخات البيه
داس كل حقدالاعداء وارتفع شانه
تظل انت الصقروالباقي كلهه وراك
ونظل احنه الاوائل والدول اسمهه ورانه
احبك كلمه ماتنكال لياهو الجان
وانه اعشكك والله اعترف انه
....وشكرا..............
طبعا هاي اول قصيده بقلمي انشرهه بالفرات واريد ردود الجميع عليهه وخصوصا المختصين بالشعر في هذا المنتدى من الاخ محمد السوداني والجمييييييييييييييييييييع ومستعد لسماع جميع نصائحكم وتوجيهاتكم
ولكم الشكر الجزيل......................
و:66 (49):
:66 (46):محمد الذرب:66 (46):
(ألمهندس الكهربائي)

مع تحياتي الك يامبدع
اخي العزيز محمد الذرب
انا احييك وأشد على يديك فأنت ابدعت بهذه المشاركه
التي جمعت بين ابيات القصيده والابوذيه
اولا الذي دونته بالخط الاحمر هن ابوذيات رائعه ولاينقصها شئ
اما ابيات القصيدة وانت تقول هذه اول مرة
المعاني رائعه والتعبير كذلك وفيها من التصوير ماهو جميل
ولكن انا اشد على يديك في الستمرار بالمحاولات
اكثر واكثر حتى تستطيع ضبط الوزن
تقبل تحياتي متمنيا لك المزيد من الابداع
اخوك محمد السوداني

ابيات حلوه عاشت ايدك اخويه
تقبل مروري

القصيدة كولش حلوة

عاشت ايدك اخوية

تقبل مروري

طبعا شكرا للجميع وهذه اول مره انشر فيها قصيده مو اول مره اكتب لدي كتابات كثيره
وهذه القصيده غير منقوله وهي بقلمي اخ محمد وجب التصحيح فانا لم اكتب منقوله
تحياتي للجميع

حبيبي انته المهندس الكهربائي (محمد الذرب)
من الذي قال انها منقوله انا لا افتهم قصدك
تقبل تحياتي اخي العزيز
ارجو اعادة النظر في الردود
مع تحياتي

كلمات في غاية الجمال وعاشت ايدك وسلم ذوقك الراقي

اخوك الصكر

عاشت ايدك يا ورده
وعاش قلمك على هذه الكتابه الرائعه
شكرا لك اخي العزيز
وتقبل تحياتي

اخي العزيز المهند س الكهربائي
انا قمت بنقل مشاركتك من منتدى الشعر العام
الى منتدى الشعر الشعبي ,,,,,,,,,
وتركت كلمة منقول على رابط مشاركتك كي يتسنى لك معرفة وجود المشاركه
الى اي منتدى قد نقلت ,,,,,,,وهذا لايعني ان محتواها منقول فهي بقلمك
تقبل تحياتي اخي العزيز واتمنى ان الفكره قد وصلت

اخي العزيز المهندس

تحياتي لك -- كما اوضح لك الأخ محمد يبدو ان هناك سوء فهم منك

لقد قمت انا والأخ محمد بنقل الموضوع من منتدى الشعر العام الى الشعر الشغبي لآن كلمات القصيدة

شعبية هذا كل مافي الموضوع وليس معناه ان قصيدتك منقوله

ارجو ان تكون الفكرة قد وصلت

تحياتي لك

نعم شكرا لكم اخواني واني اسف لان هكذا حاله اول مره تصير معي
شكرا لك اخ محمد تقبل تحياتي واني اسف لان لم يتسنى لي التعرف عليك وهذا ماكنت اتمناه تعرف انت والجميع مشكلة العصر الابديه الكهرباء واسف لك مجددا
وشكرا لك ام فيصل على التوضيح
وشكرا لجميع الاخوه على ردودهم الجميله مروركم اسعدني جدا
مع تحياتي للجميع
اكرر اسفي واعتذاري لكم ام فيصل وابوجاسم الورده تقبلوا اعتذاري
ورمضان كريم على جميع الاخوه

كلام جميل وذوق سليم وحساس مترف ورقيق