دار حوا ر بين حبيب وحبيبته
هو
ابغداد بيتج صار لو بلديوانيه
اعبر الشط اعبور وامشي علديه
هي
جسر الخشب موجود لاتعبره يهواي
خافنه بيك ايميل وتغرك به الماي
هو
خل اغرك ابهلماي بس كون اشوفج
لوجسموني انه اجسام ابدا معوفج
هي
بسك يبعد الروح فدوتك انه
ولو كلبي مادك يوم انت ابمجانه
هو
خل اعبر الشط زين لو تعبريلي
ولا نظل محتارين انه ودليلي
هي
اعبر يبعد الروح بس هونك اطيح
ياربي اخاف عليه من هبة الريح
هو
اعبر وحك عيناج واتعنه يمج
احجيلي شنهو الصار وأشكيلي همج
هي
مرحب يبعد الروح وياهله بجيتك
غيري ابد متصير غيري امريتك



:66 (46)::66 (46)::66 (46)::66 (6)::66 (6)::66 (6)::66 (6)::66 (6):
تقبلو تحياتي
*************************************

الله الله ابداع متواصل
شكرا لك اخي العزيز
وتقبل مني خالص الود والتقدير
اخوك
حيدر القريشي

حياك الله القريشي
تسلملي

الله على هذا الإبداع يابن الوسط

اكثر من رائع ماتكتبه -- والظاهر اليوم مفتوحة شهيتك على المحاورة بين حبيبين

دمت يامميز

حياج الله اختي العزيزه ام فيصل
والله اني جعبتي مليانه
بس خاف تملون مني
مع تحياتي وتقديري

الله يامبدع حوار رائع ,,,,,,,,
اخي العزيز الوسطاوي تحياتي الك وين انته موجود
تسلم وتعيش اغاتي انته امتعتنا والله

خل اعبر الشط زين لو تعبريلي
ولا نظل محتارين انه ودليلي

أعبر يبعد الروح بس هونك اطيح
ياربي اخاف اعليه من هبة الريح

سلمت يداك واحساسك الدافئ
تحياتي اخوك محمد

احلى من الحلوة ياابن الوسط شكرا لك على هذا الابداع

ابو جاسم حي الله هل الطله
شاكر مرورك يلغالي

تسلميلي ياجوريه المنتدى
شاكر مرورك اختي

حياج الله يداليا
شاكر مرورج واهلا بكي صديقه عزيزه على قلوبنا

:66 (46):شكـــــرا:66 (46):
دارميات مميزة وجميلة جدا يا مميز
:66 (46)::66 (46):عاشت الايادي:66 (46)::66 (46):

حياك الله رفودي
نورت متصفحي