معذور لانك دغش ما تعرف انتة صدك
ومتقدر الي وفة لكلبك وحبك صدك
حجاي راعي المثل من ذمك انتة صدك
لن دربك اعوج زل ما يوم مرة عدل
كل عمري احبك انة وابقيت دوما عدل
وانتة التذمني بظلم ميصير هذا عدل
ميجوز هذا الحجي لو رايد انتة صدك

***************************


ياعين دم ودمع بفراكهم صبي
وأترس بكاس الحزن حيل وبعدصب بي
بدواي محدعرف مسلم ولا صبي
واني طعين الكبد لاميت ولا حي
تانيت محد اجه منهم ولاحي
ان جان اني اصبحت لاهلي ولا حي
دنياي حيل اعكدي وفوك العكد صبي


***********************************

يا من على شوفتك محتام اجيلك ورد
عطشان اجي بلهفتي ارشف اشفافك ورد
بدمعي سكيتك زرع ما شفت منك ورد
من حيث عكب التعب زرعك الغيري صفة
وبكاسي مايك خبط وبكاس غيري صفة
سبعة المضن يا ترف كلهن وداد وصفة(سبع سنوات من المحبة)
تنساهن بياذنب جاوب سؤالي ورد


****************************
منقول
مع تحياتي

عاشت الايادي على الذوق الرائع
وعلى النقل الاروع ...
شكرا لك اخي العزيز ..
وتقبل مني خالص الود والتقدير
اخوك حيدر القريشي

مشكور حبيبي زهيري رائع وجميل
تقبل تحياتي يلوسطاوي كلك ذوق

حياكم الله اخوان اعزاء
شاكر مروركم يلغالين
ابوجاسم الورده
وحدوري القريشي

عمي والله ازهيريات اتخبل تسلملي ياورده

عاشت ايدك يا وسطي
ازهريات كلش حلوه وتسلم على هلذوق الراقي
ننتظر جديدك..
ومبروك عليكم الشهر الفضيل
الصكر

حبيبي يلصكر حياك الله وكل عام وانت بالف خير

ياابن الوسط صدك كلماتك بقمته الروعه ويوم بعد يوم تتقدم
ياربي التوفيق

حياك الله اخويه العزيز الزير
شاكر مرورك يلغالي

تسلميلي اختي العزيزه
شاكر مرورك ياورده