لاتزعل علي وتگلي ماحاچيك
خلي الدنيا تزعل وانتَ لاتزعل
شجره انه وحبيبي الماي انت
واموت انا بغيابك حتماً واذبل
ونور اعيوني انت ولو رحت ما شوف
واذا ما اعمى يمكن انگلب وجفل
انطق گول كلشي ولا تگول فراگ
وسوي شما تسوي بيه انه اتقبل
عگبك راح اخلص وانسل بلياك
ومو بس انه گلبي وياي هم ينسل
شلون انطاك گلبك تبتعد وتروح
جاوبني بعذر يقنعني من أسئل
مات الگلب بعدك موته الفراگ
وبس يسمع بجيتك ينهض ويعدل
واذا انتَ رحت المن اگول اهواك
وبعد ياهو الاوصفه وبيمن اتغزل
تعال ورد اليه وانه انتظرك
وخل نرجع أحباب ارجوك مثل اول
لغيرك ماتوسل گلبي فد يوم
وچي هوه يحبك الك يتوسل
واذا غيرك احبن يجوز مايوفي
وأخافن مايقدر حبي اله وانذل
صعبه العيشه دونك تنحل بلياك
واذا مويمي انتَ العمر هم ينحل
كلشي انتَ بحياتي لو رحت كلشي راح
وحتى الفوگ عگبك ينگلب أسفل

عجبتني هل كلمات وحبيت انقله لحضراتكم
تقبلو تحياتي

شكرا لك اخي العزيز على النقل المتميز
وشكرا لك على النقل الاروع
ولكن مكانها في منتدى الشعر الشعبي
وارجو من المشرفين عمل الازم
شكرا لك اخي العزيز
وتقبل مني خالص الود والتقدير

تسلملي اخويه ابو كرار
شاكر مرورك المتميز
للمستقبل ان شاء الله

وشكرا على المعلومه

عاشت ايدك اخي الغالي كلك ذوق
قصيده رائعه لاتحرمنه من جديدك
تقبل تحياتي

حي الله السوداني نورت ابوجاسم
شكر مرورك يلغالي

شكرا ابن الوسط على هاي الكلمات الروعه
اختك زينه

تسلم ياذوق على الكلمات الرائعة

تقبل مروري

تسلميلي اختي العزيزه
شاكر مرورك

تسلميلي اختي هذا من ذوقك
شاكرمرورك اسعدتيني