اعزائي دعوني ادخل في الموضوع مباشر هل نحن جيل فاشل ؟؟؟؟؟؟؟؟؟؟؟؟؟؟؟؟؟؟
كل يوم نسمع اقاويل كثيره في اي مكان تذهب اليه وتجد احد من الجيل السابق او اللي قبله تسمع مالاترضاه نفسك ........
دا جيل فاشل لايعتمد عليه في اي شئ جيل الزواج العرفي والمخدرات والشم وغيرها من الصفات السيئه ولكن يبقي السؤال هل نحن فعلا جيل فاشل ضائع ام العكس هو جيل التطور والتكنولوجيا
والاقمار الصناعية والعلم ...انت مع من جيل فاشل...ام جيل متطور..........كريمhttp://www.alforat.org/attachment.php?attachmentid=3016&stc=1&d=969228752

انت عارف اجابة سؤالك في الصوره اللى انت مستخدمها

جيل متطور ((( والدليل في السياره والملابس ))))
مستخدم سئ للتكنولوجيا والتطور ((( والدليل في المكان الموضوع فيه السياره وقائدها نتيجه سوء الاستغلال هو ده الفشل بعينه ))))
فيسير بخطا منتظمه نحو الفشل
وهي دي الحكايه

من ضمن مسببات الفشل

الحاله الاقتصاديه المتدهوره والبطاله اللي خلت الشباب محبطين وبيحاولو يدورو على اي تسليه ومضيعه للوقت
فتكون سجاير
بنات
مخدرات
و
و
و
وكمان النت والتكنولوجيا
موبيلات بالكاميرات
بلوتوث
نت وماسنجر
وغيرو

لازم طبعا ياثر جامد في انحراف الشباب
بس الشاطر اللي يعرف طريقه صح من الاول

والله موضوع حلو يا كريم بس انا عاوزه اقول حاجه
ان الجيل الحالي مظلوم شويه عن الجيل السابق
زمان كانت كل حاجه سهله وبلاش شوف انت النهارده
لو عاوز تأجر شقه بلاش تمليك شوف اساسا هتلاقي
شقه ولا لأ عكس زمان لما كانت الشقق باتتبخر عشان
تسكن بلاش كده شوف الحياه كانت زمان شكلها ايه
شوارع فاضيه من غير تكدس سكان حتي الاخلاق
كانت خلاف اليومين دول مكنش فيه حاجه اسمها
تطور .خلاصه الموضوع احنا جيل مظلوم كل حاجه صعبه
في حياتنا ....وشكرا كركر علي الموضوع
موز موز موز موز موز موز موز موز موز موز موز

كريم انا بضم صوتي لسهيله فعلا احنا جيل
مظلوم جه في ايام مايعلم بيها ألا ربنا حظنا
.كده ومش هقدر اقول اكتر من اللي سهيله قالته شكرا

أشكرك كريم لأنك أسعدتني لحظه حينما وجدت رد تيتو وسندريلا الذين أفتقد وجودهم
وكانوا من أسباب استمراري بالمنتدى الذي دخلته صدفه وكنت لا أقتنع بحكاية الكتابه بالمنتديات
وأقول لحظه لأنني انتبهت للتاريخ بسرعه
وأريد أن أقول أنه لا يوجد جيل فاشل أو ظروف فاشله فحن الذين نتغلب على الظروف بقوة عزيمتنا وارادتنا
وطموحنا الكبير وبذلك فنحن الذين نصنع نجاحنا وسنة الكون أن يأخذ كل جيل فرصته
تقبل تحياتي وتقديري

لا يا ابو عمر رد تيتو ده وسندريلا من زمان
بس الموضوع ده سهيله هي اللي طلعته من الخلف
ومش عارف تيتو اخباره ايه او سندريلا مش عارف حتي
الميل بتاع تيتو عندي الخاص بيه بس مش بيفتحه خالص
ربنا يرجعهم بالسلامه

والله ياكريم فعلا الجيل السابق لنا اخد كل
حاجه حلوه وخلع بدري بدري احنا فعلا جيل
له حظ كبير عنهم من حيث التقدم والعلم
والتكنولوجيا ولكن ايامهم كانت احسن بدليل
شوف اي واحد او واحده من ايام زمان تلاقيه
معدي 70 سنه وصحته احسن من شاب عنده 20
سنه يبقي دي علامه طبعا لفارق الايام
يبقي مين المظلوم احنا طبعا يا كريم وشكرا
ياقمر علي موضوعك القيم

موضوع جميل يا كريم تسلم ايدك
وبصراحه احنا جيل واخد علي الراحه
عاوزين كل حاجه من غير تعب والسبب
في كده التقدم الدائم في كل شئ
حتي في ابسط الاشياء..
شكرا يا جميل علي الموضوع

:66 (46):والله موضوع هايل و أنا شايفةإنك حطيت إيدك على الجرح ياكريم كل جيل عاش زمن غير الزمن اللي عاشوا الجيل اللي قبلو و على دلك لازم يكون فيه تغييرات بالنسبة لكل جيل و أنا شايفة إن جيلنا هو جيل التعبر عن النفس دون خوف أو تردد جيلنا عندو الشجاعة الكافية انو يعبر عن رأيو و عن ما يدور بداخله و نحن جيل التكنولوجيا احنا الجيل الصح تسلملي إيدك يا برنس

عزيزي كريم :
هذا الموضوع طرح في اكثر من منتدى من المنتديات العربية فلا ادري سبب الاحباط الذي يلازم شباب هذا الجيل ؟
قبل كل شئ علينا ان نعلم بأنه دوما هنالك صراع بين الاجيال المتلاحقة ودائما هنالك ملامة من الجيل السابق للاحق . صحيح هنالك ظروف تتحكم في تنشئة اي جيل ولكن لا نستطيع ان نحكم عليه بالفشل لان الظروف التي سببت في تراجعه هي وليدة الجيل السابق .
الكثير من الجيل السابق يلومون هذا الجيل بالتقليد الاعمى للغرب ولكن لننظر الواقع الم يقلد الجيل السابق الغرب ايضا في اطويل الشعر ومودة الملابس والشارلستون وغيرها من الامور فمثل هذه الامور طبيعية وانا في رأيي ان هذا الجيل افضل من السابق والسابق افضل من الذي قبله لأن الحياة تتواصل بالتطورات فابي افضل من جدي الذي كان اميا وابي كان يقرأ ويكتب وانا افضل من ابي حيث نلت شهادة جامعية وابني افضل مني في استخدام انظمة المعلومات المتطورة وهكذا كل جيل جديد يتعلم اشياء جديدة تدفعه للامام .
المشكلة في الشباب العربي تكمن في التركة الثقيلة التي ورثها من الاجيال السابقة جعلت خطوات تقدمه بطيئة ومتعثرة فلو حاول قك القيود التي ارتبطت بيديه وكبلته ويتحرر من قيود الماضي ويعيش حياته من خلال نظرته الخاصة وارائئه هو وليس اراء السابقين حتما سيواصل مسيرته بنجاح مثل الاجيال السابقة وربما افضل منها لذلك ما يعيبه هو انه ينظر للخلف نتيجة للاحباط الذي يعيشه بسبب الواقع اليومي المرير .