الرياضيات السياسية
كل منا قد درس عمليات الرياضيات
ومنها + وال =
قبل يومين كنت اتابع الفضائيات العراقية وما فيها وما عليها من برامج مختلفة ومتنوعة وكل قناة تتصور هي احسن من الاخرى بما تقدمه من برامج وكل قناة تتوعدنا بانها ستكون هي الاجمل في شهر الخير والمحبة شهر رمضان المبارك
وقد شدني حديث وزير التجارة العراقي مع احد المذيعات والتي سئلته ماهي استعداداتكم لشهر رمضان المبارك في توفير الحصة التمونية للمواطن العراقي
فاجابها برد تبين انه من الرياضيات السياسية
قال
نحن على اتم الاستعداد لقد اتفقنا وتعاقدنا واشترينا وووووووووووووو

ولكن السبب في تاخير وصول الحصة التمونية للمواطن هي
وزارة النقل
فاجابته المذيعة بسؤال
ما علاقة وزارة النقل بالحصة التمونية للمواطن
اجاب
ان وزارة النقل لاتستطيع تفريغ الحمولات
والسبب قبل ان تسئليني
لانها لا تملك غير رافعة واحدة لتفريغ الحمولات
يا حبيبي استفاد
المعادلة الرياضية السياسية
وزارة التجارة + وزارة النقل+ الحصة التمونية+ المواطن العراقي المكرود =
رافعة واحدة
اذن المواطن ينتظر متى تشتري وزارة النقل ومتى تتعاقد وتلغف وتشفط وتلفط من قيمة العقد لشراء رافعات

لتفريغ الحمولات المتكدسة في الموانئ العراقية
وشهر الخير على الابواب
اذن هذه المعاد لة الرياضية التي جعلت مصير المواطن المكرود مربوط بحبل الرافعة
زين اذا عطلت هاي الرافعة
شارح تاكل الناس يا جماعة
وفقكم الله

والله يا خويه يا ابو الغيث كلامك كله صحيح

وعلى هاي الحسبه اذا رافعه وحده وعطلت

يعني لازم نكضي رمضان كله بس على المي والتمر

والحمد لله اكو فواكه وغير اشياء بالسوك نشتريها بفلوسنا ......

ولكن سؤال يدور في ذهني .....

( لشوكت راح يبقى الخمط يعني

معقوله العراق كله ما بي واحد شريف

واحد بس والبقيه ينصلحون بالتدريج ؟؟؟؟؟؟؟)

وعذرا على كلامي...........ولكن من كثره تألمي .......

لك مني خالص الود والتقدير

مع تحياتي
شكرا لمرورك
لكن المشكلة
هسه انريد واحد يمشي شغل العالم
ومهما كان نوعه
عادي لو اوتوماتيك
ما يهم
كاز لو بانزين
مايهم

اسمر لو ابيض
ما يهم
يحجي عربي لوهندي
ميهم
بس مشوا امر هل عالم
جيس الطحين بالحي بالكوت واسط ب 45 الف دينار يمعودين
الله يقبلها

عزيزي ابو الغيث

لــو كان اكــو شوية خوف من الله عند هالأشخاص المحسوبين على العراق -- جان عاش العراق بخير

لكن الواحد شيكول -- بليّـة اكبر من الثانية يدفع ثمنها الشعب المقهور

وناطرين مته يصحه ضميرهم ويتقون الله في هذا الشعب المظلوم

تلاكيهم ساندين ظهرهم وموفرين لأهلهم وكرايبهم المطلوب !!!!!!!!!!

وخلي الشعب ياكل كيك -- مثل ماكالت الملكة انطوانيت لشعبها

اللــــــــــــــــــه يعينك ياعــــــــــــــراق --------------------- الـى متـــى ؟؟؟؟؟؟؟؟؟؟؟؟؟؟

حدث العاقل بما يعقل

هل تصدق انت يا اخي يا ابو غيث ان الحصه الغذائية تنقلها رافعه واحده ونحن كل يوم نشاهد بعيوننا موانئ البصرة فيها اكثر من 20 رافعه ومن احدث ما موجود في العالم .

هي وحده من اثنين اما هو ما استطاع يوصل فكرة كلامه عدل وكيف هم مقصرين , واما كان مكبسل .

مع تحياتي
اخي العزيز
شكرا لمرورك
ان الرافعات اليت تشاهدها في موانئ البصرة ليس هي التي يقصدها المتحدث
الرافعات التي تنزل الحصة التمونية غير التي تشاهدها
انها في ميناء اخر خص للحصة التمونية
لتفريغ الحمولات من البواخر
وليس التي تشاهدها لتنزيل الكونتينات

نعم واني اوءكد ذلك من عدة مصادر منها من البصرة ومنها من بقية المحافظات
عيني مولاي سيدنا اغاتي
هسه عدهم 20 رافعة انت تفضلت على عيني وراسي
يعني العراق فقط ب 20 رافعة
مو جانت ساحة النهظة بيها مئات الكرينات الرافعات
فدوه لعيونك مولانا
20 رافعة والاحتياطي مالنا من الدولارات بلغ مليارات لاتتحملها الحاسبات البسيطة
بل تحتاج الى حاسبات عملاقة
هسه احنا شنريد
اريد الحصة توصل قبل شهر رمضان
اما تقول
هي وحده من اثنين اما هو ما استطاع يوصل فكرة كلامه عدل وكيف هم مقصرين , واما كان مكبسل .
فلا استطيع الا ان اقول
شلون وزير مايعرف يوصل كلامة وشلون وزير يكبسل
وفي كلا الحالتين
خل يستفاد المواطن العراقي


وابوك اللله يرحمة دنيا واخرة
تقبل تحياتي

كلامك صحيح اخي ابو الغيث

ولكني للاسف غير متابع للاخبار السياسيه وبخاصه في العراق

ولكني مقدر ما انتم فيه

واتمني من الله ان ينصلح حال العرب