((( اسمعني )))

ارد اكتب قصيدة وكون تسمعها
وشوف اشگد عشگ شايل بمطلعها

القصيدة بس الك.. واخفيها عن الناس
بس يمك اجي.. ويمك اطلعها

اسولف بيها كلشي وما اضم اعليك
وعلى اجفوف القوافي اسراري اوزعها

گلبي اسرار بيه محجبة امن اسنين
لاذب احجابها بحضنك وافرعها

القريحة تحركت بي واجاني الهام
وما اعرف الفكرة منين منبعها

ارصعك بالغزل كل ضني هذا الچان
القصيدة انوب رادت بيك راصعها

منجم شاعرية وكلها طمعت بيك
وشكو كلمة غزل حسنك مصنعها

مو صدفة العرب كتبت سبع لواحات
وردت بلثلاثة انوب تتبعها

السبعه العلگوهن عالجدار هناك
ملهمهن چنت جنت انت مرجعها

وانه اليوم اجيت وحاير ابدي منين
روحي ال.هوس حبك گلبي يدفعها

دفنت نوحها روحي وتعنت ليك
يبو چفوف الحرير ارحم بمدمعها

جوعانه اشكر للعشگ صار هواي
بلذة شوگ روحك روحي اشبعها

گطرة مطر ***************ت روحي وانت الگاع
ترجع للغيوم اشلون تقنعها

يالفكيت بابك لا تسد الباب
وعلي لو مو قفل رزاتك اشلعها

ماخسران كلشي اتصير لو متصير
روحي بنار حبك عيشة مصرعها

يالطبعك نحل لو عسل لو لدغات
ياهي التصح منك ما نرجعها

روحي معلعلة وما صدگت تلكاك
صدگ حتى اذيتك يعني تنفعها

نور النور نورك شاشعل الملگاك
روحي اتحيرة يا حجة تصنعها

اعلگلك شمع عشرة اشتضن تفيد
اخلي اضلوعي مشعولة اوية اصابعها

ومثل شعرة اصبحت واثنينة مجانين
ما تگطعها بيد انه اگطعها

لاتطلب طلب بس گلي اتمنيت
ولك.. انه. بخدمتك عيني اشلعها

وما ازعلك ابد ولو بالشقة اتشاقيت
مثل بايد الخيط الدنية اگطعها

وقبل لتمر عليه بشهر كون تكول
حتى الگاع مدري الگاع شزرعها
***********************
مع تحياتي للشاعر جبار رشيد



http://www.3raqna.net@ كلمة ممنوعة @@ كلمة ممنوعة @@ كلمة ممنوعة @/iraqnaa/statusicon/user_offline.gif http://www.3raqna.net@ كلمة ممنوعة @@ كلمة ممنوعة @@ كلمة ممنوعة @/iraqnaa/buttons/reputation.gif (http://www.3raqna.net@ كلمة ممنوعة @@ كلمة ممنوعة @@ كلمة ممنوعة @/reputation.php?p=125067) http://www.3raqna.net@ كلمة ممنوعة @@ كلمة ممنوعة @@ كلمة ممنوعة @/iraqnaa/buttons/report.gif (http://www.3raqna.net@ كلمة ممنوعة @@ كلمة ممنوعة @@ كلمة ممنوعة @/report.php?p=125067)

ياملكة بكلماتك وشاعريتك

احسنت ودام لنا هذا العطاء عزيزتي

تحياتي لكل كلمة كتبتيها بإحساس

عاشت الايادي الي خطت هالكلام الرائع والمميز

ملكه يا ملكه بأسلوبكي الرائع

تقبلي مني خالص الود والتقدير

شكرا على مروركم الشفاف تقبلو تحياتي

تحيه لك ملكة الاحساس على الاختيار الجميل والتحيه من خلالج للشاعر المبدع جبار رشيد

تحياتي لك يا ماجد وشكرا لمرورك الشفاف
لكنني اعتذر عن وصول تحياتيك للشاعر جبار
لاني لااستطيع ذلك مع تحياتي لك ياماجد المبدع

شكرا اختي العزيزة على الاختيار الرائع للقصيدة

جوعانه اشكثر للعشگ صار هواي
بلذة شوگ روحك روحي اشبعها

وتحياتي لكي وين انت موجودة

شكرا على مرورك وشنو تعني وين موجودة تقصد بالعراق اني موجودة بالعراق اذا هذا قصدك

شكرا اخي اسد العراقي على المرور

يالطبعك نحل لو عسل لو لدغات
ياهي التصح منك ما نرجعها
***************************
حقا انك تملكين الاحساس المرهف باختيارك مثل هذه القصيدة الجميلة سلمت يداك

شكرا اخي عبد الكريم على المرور الشفاف والاسلوب الرائع