عذريني

*****
البارحه جنت بالطيف ازورنج
على صوت الجهاز صحيت لن مكتوب وصل منج
عذريني ما ارد عليج يحبيبه اعذريني
شيفيد الرد وانه ادري بعد ما ظن تشوفيني
اظن الموت كرب مني
اظن انطوت يا روحي سنيني
خليني بعيد بعيد خليني
خليني اموت بحسرتي والامي واحزاني
خليني اموت بغربتي بذنوبي واحساني
جم مره اجاني الموت ترجيته ياجلني
طلبت منه كبل الموت اشوفنج
انكسر كلبه وبجه لحالي
بدل مره اشوفنج هو مرتين خلاني
انه فرحان من شفتج
وحك الحيد ابو اليمه اصدكيني
وهل مره انه مجبور امشي وياه
اذا اجاني الموت متعني
وما ادري بيا كتر العاقبه تذبني
يمكن اليه بغربتي مدفن وكل احبابي ينسوني
يمكن بالنجف مثواي وهم يمكن تزوريني
يمكن تحزني عليه سنه..سنتين وتنسيني
بس ارجوج كل جمعه اذكريني
وهم يمكن بعد مده وتتبعيني وتصيرين حور العين
واهناك تشوفيني......واهناك تشوفيني

كلمات رائعه وجميلة المعنى والتصوير
تحياتي لك اخ عبد الكريم البصري
اتمنى منك التواصل والمزيد من الابداع
تقبل مروري

شكرا لك اخ محمد على مرورك
تحياتي

شكرا على القصيده الاكثر من رائعه يا مبدع

تقبل مني خالص الود والتقدير

وننتظر المزيد من الابداع
اخوك حيدر القريشي