راح اجازف وابدي احبك من جديد





راح اجازف وابدي احبك من جديد
وانه ماريدك تخيب ضنوني



وراح اجيلك حته تفهمني شريد
وحته اسجلك ويه اليفهموني



أنتَ جنت وياي دم ويه الوريد
ومن كثر ما احبك يحسدوني



ومو عنيد بحبك انه اكبر عنيد
ولذالك اهلي ما يردونـي



قصدي اريدك . وانتَ قصدك ماتريد
ليش امرت عيونك يصيدوني ؟



يامه گلولي حبيبك ما يفيد
ويامه عنك رادوا يبعدوني



هسه وينك ما اشوفنك بعيد
چا شگلهم هسه لو حاچوني .؟



وليش بالماي العكر گاعد تصيد ؟
وليش حملك باقي فوگ متوني ؟



ما أحبك . راح اعوفك شي أكيد
وراح أگلهم مات اذا سألوني



ولا تكَلي اهواك انه انساك اريد
واهلي ماحبك بعد وصوني .



وانه احبك بس اشوفك من بعيد
ولذالك راح اشيل عيوني
:3:منقول:3:
:66 (6):اتمنى تعجبكم:66 (6):

قصيده رائعه تحياتي لك واشكرك على هذا الانتقاء المميز

الله الله قصيده رائعه ونهايه اروع تحياتي الچ اختي الفاضله وانتقاء رائع للقصيده

شكرا على مروركم الشفاف نورتو الموضوع

ملكة الاحساس الغاليه قصيده ومشاركه جميله جدا تستحق الوقوف عندها احسنت الاختيار
ودمت لنا اخت مميزه وغاليه

شكرا يااخ ماجد على الاسلوب الرائع والمرور الشفاف

فصيده رائعه ومميزه

شكرا لكي على النقل المتميز والرائع

وتقبلي تحياتي

شكرا اخي حيدر على مرورك الشفاف نورت الموضوع