عندما تبحث عن وجه بين ملايين الوجوه فتجدتلك الوجوه قد غلبها التعب فتعود على امل ان تجد في احلامك ذلك الوجه!!!!

ادور ناس !
ضاعت مني بين الناس !
واشري بماي وجهي وجوه
وحلم عندي الاكي الناس !
واصيح وصوتي ياخذني
ويرد بيه (لحسافة ياس )
وكبر بيه حلم روحي
وكمت بالطيف الاكي الناس !
اعاين بالوجوه اتبدلت فدنوب
وابحر بالعيون الكيهه موش عيون !!
هداهه التعب وخلفت رماد النار
وجا شنهو الابطاهم واحلفولي يجون !
الم جويه اعله جويه وليل ياكل
واشوف الطيف مصلوب اعله جف النوم !
ويسافر جم جنح واتناه ساعه يعود
بس جنح الكسير عيونه تنسه النوم !
رصاص هواي.....
دموع هواي......
هموم هواي.....
رصاص هواي منه الي تعداني
ومنه الي بجبدتي يطيح!
هويت وطحت منطولي
واجاني الصوت من بعيد
لا........... لتطيح
ولا......... لتصيح
تحمل مزنه وتعدي
وتلكه الجايه وي الريح!
واجتني الريح جابت كلشي وياهه
ولمت كلشي لاكاهه !!!
ناس اتطيح ماجف التلكاهه
وناس تكوم تتوجه اعله بلواهه !!!
وتعال شلون تتصور حياة وخاليه من الناس !!
وتعال شلون تتحمل هموم الي ربت وياك تنساهه !!!!!!
تقبلوا تحياتي
شاركت بهذه القصيده ببرنامج نجوم الشعر الذي تقدمه الفضائيه السومريه شكري للجميع

صح السانك وعاشت ايدك
اخي العزيز ماجد الشاعر
قصيدة رائعة
تحياتي وتقديري لشخصك المبدع دائما

عاشت الايادي الي كتبت هالكلام الرائع

شكرا عالقصيده الجميله والمبدعه بواسطه مبدع

تقبل تحياتي الك يا ورد

1. اخي العزيز محمد السوداني ممنون منك جدا ودمت لنا اخا وشاعرا تحيه لك من ارض العراق

المعطاء وشكرا لمرورك المميز.....

2. اخي الغالي حيدر تقبل خالص احتراماتي وشكرا لهذا المرور الذي اسعدني بحق
تقبل منى ازكى التحايا ..........