ياعين الوطن مو كافي دم تبجين
موعوده بفرح جا يمته تبتسمين ؟؟!!
وشوكت دفتر الامك ياوطن تطويه ؟
واشوكت تبعث تحيه لليتامه البيك ؟
وتكتب للارامل ياوطن شكر اااااااااااا
وسلاما ياوطن لتراب داحي الباب
وسلاما للمكابر كونهن يحجن !!!
سلاما ياوطن مو صوم حفنه سنين
ارضعن دمنه السواتر لمن اترون !
وسلاما ياوطن لجفوف الاحديثات
وباجر من دمانه اردود يتحنن
وسلاما للمناير ولصيحة الاذان
ترضه ابين غربه ياوطن يغفن ؟
وسلاما ماي دجله ولشاكر السياب
ولطيور المناره المارضن يمشن !!
سلاما ياوطن والدنيا انطي وهاك
وكلشي ماخذن صدكني ( والعباس )
ذني جفوف عدنه اتعلمن ينطن

تقبلوا خالص حبي وتحياتي

الله عليك يارائع وعلى كل كلمة نزلت وياهه دمعة حزن

ياماجد أحسنت اخي قصيدة بيهه كل معاني العطاء

يستاهل وطنــّه هالكلمات -- وهالرجال الي مثلكم تنطك بحبر المودة للعراق

دام قلمك ودمت

كلام رائع ومييز اخي ماجد
شكرا على القصيده الاكثر من رائعه
وتقبل مني خالص الود والاحترام

عاشت ايدك على الكلمات الرائعة

منور حبيبي انته قصيدة رائعه
كلك ابداع اخي الغالي ماجد الشاعر
تحياتي الك بكثر حبي وحبك للوطن
لك مني كل الاحترام والتقدير اخوك
محمد

1. الاخ محمد السوداني العزيز
2. الاخت الغاليه ام فيصل
3. الاخت الغاليه ملكة الاحساس
4. اخي الغالي _hader

اني والله اشعر بالغبطه وسعاده لاتوصف وانا بين هذه المجموعه الرائعه من الاصدقاء والاقلام النازفه بحب
الوطن والناس املي الوحيد ان يمكنني الباري من الاستمرار معكم وان اكون كما اتمنى وتتمنون تقبلوا
وافر حبي وتقديري

دمت عزيزتي زينه وشكرا للرد الاكثر من رائع اسعدني مرورك الكريم

اخي ماجد اني حبيت انشر اشعارك بالمنتديلت
يعني باسمك اكتب للشاعر ماجد توافق

الاخت ملكة الاحساس لامانع ويشرفني هذا وارجو ان تكتبي الشاعر ماجد الدعمي مع تحياتي