عندما تبحر بنا الايام نحو المجهول
دونما الوقوف بوجهها فلا نمتلك سوى الصراخ علها تسمعنا...

انا والحزن
********
بعد عندي الامل واتنطرك كل يوم

واحلامي الخذتهن لازم ايرجعن

بعد عندي الامل واصبر عليه اسنين

صبر ايوب ازيده الصبري ويفرعن

طبع بيه الحزن وك طابع اعله الروح

والوان المرار ابفاهي الك جمعن

جرع ظني العمر ! وتفرهد ابلحظات

وايامي العشتهه ابسودهن ردن

اتنطر سفن تبحر علينه ابخير

واتشلبه ابسفنهم هيج لومرن

واعدلك يابخت ياحظ اكعدك بيه

واعلمهه الجروح اشلون من يقرن

بعد عندي الامل بس ياحسافه ابعيد

ذبلن كل حروف امالي وتوذرن

بعد يادهري كلي اشطالب اوشتريد

امانيي ابتوالي الليل ينكرن

بطلت الحلم بطلت حتى النوم

كف عني دخيل اسنيني الانضرن

قصيده رائعه وكلمات جميله جدا
سلمت اناملك يامبدعه
تقبلي تحياتي وتمنياتي لك بالمزيد من التألق

عاشت ايدج اختي وفاء

مبدعه بصياغة الكلمات

تمنياتي لك باتوفيق دائما

روعه لا بل اكثر من روعه
كلام متميز ورائع ومثالي بما فيه من نقل للمشاعر الصادق
شكرا لكي يا وفاء على هذه القصيده المؤثره
وننتظر التميز الدائم منكي والحرص على هذا النوع من القصائد
وتقبلي مني خالص الود والتقدير و الاحترام

اللهم ابعد الحزن عن قلوب الاعضاء تحياتي الك ياوفاء قصيده اكثر من رائعه ياشاعره تقبلي مروري

شكرا على الكلمات الروعه
ويسلم ذوقك
تحياتي...............

تقبلي مروري عزيزتي وفاء وفعلا كلمات بمنتهى الجمال لك كل الاحترام