المساعد الشخصي الرقمي

مشاهدة النسخة كاملة : مسافرين


الشاعر ماجد الدعمي
14-08-2008, 03:23 PM
تحياتي لكل الاعضاء دخولي للمرة الاولى اتمنى قبولي بينكم ماجد الشاعر


مسافرين
من الهموم متاعنه ودمعتنه حيره
مسافرين
ونلهم سنين بصبرنه
وديره ذبتنه اعله ديره !
مسافرين
وبس حلم ويانه سافر
وماملكنه كلشي غيره!
مسافرين
ودنيه بينه ادور سكته
وثاري تاكل من عمرنه
وها كبرنه
وها عبرنه
وبالحلم ذبينه همنه !
وطلعت عيون الشوارع ودعتنه !
ودورينه ومالكينه
لاكو مثل كلوب اهلنه
ولامثل ديرتنه ديره
ديره من مرنه العطش
رخصت دمعهه!
وديره من مرهه العطش
رخصنه دمنه
ودار دمنه بكل كتر شايل رساله
بيها مرسومه الشمس وعيون اهلنه
وبيها مكتوب الوفه من اطباع اهلنه
وياصفاة كلوب اهلنه
وياكربهم عدنه جنه
ودورينه ومالكينه
لاكو مثل كلوب اهلنه
ولامثل ديرتنه ديره
مسا اااااااااااااااااااااافرين
محمد السوداني
14-08-2008, 03:57 PM
2933
اهلا وسهلا بيك اخ ماجد الشاعر
في بيتك الثاني انار المنتدى تواجدك
اخي العزيز قصيدة رائعه
صح السانك وعاشت ايدك
تقبل تحياتي
ومية هله بيك
الشاعر ماجد الدعمي
15-08-2008, 05:16 AM
ا 1. الاخ العزيز محمد السوداني خالص تحياتي لك وشكرا لحسن الترحاب وكذلك شكري لكلماتك الكبيره
2. الاخت العزيره ملكة الاحساس اسعدني مرورك تقبلي تحياتي
ام فيصل
15-08-2008, 07:23 PM
ودار دمنه بكل كتر شايل رساله
بيها مرسومه الشمس وعيون اهلنه
وبيها مكتوب الوفه من اطباع اهلنه
وياصفاة كلوب اهلنه
وياكربهم عدنه جنه
ودورينه ومالكينه
لاكو مثل كلوب اهلنه
ولامثل ديرتنه ديره
مسا اااااااااااااااااااااافرين

* * *

اللــــــــــــــه عليك ياماجد وعلى هالكلمات الرائعة

احييك واحيي فيك هذه الروح التي تنطق قبل الداد حروف عشقها للوطن

سلمت يداك ودام العطاء -- فالوطن بحاجة لك ولأمثالك
الشاعر ماجد الدعمي
16-08-2008, 05:41 AM
الف تحيه لك اختي ام فيصل الغاليه وفعلا لاتوجد قلوب كقلوبكم ولا طباع كطباعكم اسعدني مرورك كثيرا
ومليون تحيه