أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه


يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه


يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه


أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
__________________

بصراحه ابوذيات تجنن مررررررررررررره
سلمت يداك على هذا الموضوع
وتقبل مروري واحترامي

ابوذيات تمام
لاعاب حلك الكالها
تحياتي الك وللجميع

مشكورين على المرور كل الابوذيات جميله لانها منظومه بطريقه واحده

شكرا على الابوذيات الرائعه
تحياتي

مشكورين يامن يفرح القلب بلقلئكم وينشدكم اللسان مدحا

عاشت الايادي على الابوذيات رووووووعة

تقبل مروري

مشكور اخي عل ابوذيات لاعه بحلكك
رررررررروووووووووووووووووووووووووووعه

مجموعة رائعه اخي العزيز عمر تحياتي الك وعاشت ايدك
ننتظر منك المزيد
تقبل مروري