السلام عليكم
....

جنت فرحه علشفتك وين فرحك صار
وجنت احزام ضهرك لليضدونك
وجنت امطر دمع من يمر بيك الضيم
وجنت بجفوفي امسح دمعت عيونك
وجنت دله ومضيف وسفره ومتاع
وجنت افرش ضلوعي لليمرونك
وجنت غيرت الموصل فزعت الانبار
وجنت بغداد لجلك من يعيرونك
وجنت ذي قار كلي وكربله وميسان
وجنت انه هويتك من يسؤلونك
وجنت سامره انه وبصرة السياب
وجنت ادياله انه من يمسونك
صرت لجلك وطن والكلب لجلك سور
وجنت عصاة موسى بزمن فرعونك
وجنت ترثيني خايب من اطيح بضيج
وجنت ماعيش لحضه بعمري من دونك
انخطبت ! بغصب ادري وانه اعرف الصار
لاتكطع غفل ويه اليحبونك
ولاتحمل حقد للي يودك جان
امس ناكل سوه باّفضال ماعونك
روح مودع الله بس اضل اتناك
واكطع روحي صدك من يذكرونك
روح مودع الله واذكر الحبوك
وتجر حسرات روحي بنضرت عيونك
انخطبت بغفل خايب وانه بيه النار
اطلك روحي والله من يزفونك
اطلك روحي والله من يزفونك


عصاك

حجيك حر شمس تموز عالصاك (( الجامد ))
وعصا واذنب حبيبي الذي عصاك (( العصيان ))
جنت موسى انت وانه جنت عصاك
شجاك شبدلالك تخون بيه

منقوووووووول ..للامانة...