كلبي شما تطشره يرد صامت
وروحي من حزنهه عليك صامت
شما اخلي جهازي بوضع صامت
يصرخ حيل من ادك عليه

مفارك واليالي اسنين مرن
وعلي صاير لذيذ الزاد مرن
طفر كلبي على النقال مرن
لأن حسيت روحي ادك عليه

لغيرك ما رجف كلبي ولادك
وثكل وياك ميزاني ولا دك
اعذرني بعد مارمش ولا دك
اريد وجوه تتقابل سويه

الك ياما رجف كلبي ودكلك
وطحن بلحجي الناعم ودكلك
اهواي اليوم ارمشلك ودكلك
درمش بالجذب مره عليه

مشاركة رائعه اخي العزيز تحياتي لك
واشكرك على هذا الانتقاء الموفق,,,,,,,,
ننتظر جديدك ,,,,

اشكرك اخي ابو اماتي وانشاء الله
اكون عد حسن ضنك