نبيع النفس للينشد علينه
وثوب الحزن صح لايك علينه
وحك عباس والحمزه وعلينه
نحب طرواك يلذاتك وفيه

اسكت لاتهيج الالم خلــــــه
عليل وبس اكوم اتصير خله
يعين الله اليعوفه غفل خله
وهذا انه دشوف شصار بيه

حلو طوله يتمايل مره شفته
مره يعضلي اصبعه مره شفته
عسل ياطعم شفته مره شفته
حضنته وطاحن ادموعه بديه

صحبتك ليش كصرت ماطلته
ونه الدنيه علمودك ماطلته
جنتلك فرصه سهله ما طلته
خسرتني بسبب بطرانك عليه

دجه ليلي بغيابك بان دجله
وزنجار الهموم البيك دجله
الفرات شمابعد تلكاه دجله
ومثلهن ننجمع حتمن سويه

شمالك ياضعن بهواك شتيت
انه بناري وهمن بيك شتيت
اذا انته بقميص الصيف شتيت
انه مصلخ شتاك المر عليه

ابدمايوم حبي الك ينكص
وليش الصاحب منيروح ينكص
وكت خله الحديد بخشب ينكص
وخله التالي اول بالثنيه

مبلل مايهمني المطر منصاب
ميت مايهني الرمح منصاب
هدف وبساحة الميدان منصاب
ثابت يل التريد الطعن بيه

جزه حد الصبر صبري بلا حد
وانه العايش بحسراتي بلاحد
يهل تذبح بسجينه بلاحد
حرام تعلعل ابيدك ضحيه

هله يلي عليك الكلب ليلاي
بجي وبنوح اكضي اعليك ليلاي
انه المجنون وانته صرت ليلاي
هايم والغرام يحيط بيه

الله على هذه الابوذيات الرائعة احيي فيك التذوق في الانتقاء اخي العزيز
تحياتي وتقبل مروري

شكرا اخي السوداني على هذا الاطراء هذا من ذوقك

الى اخي السواني اهدي اليك هذا البيت من الابوذيه انشاء اللة يعجبك
شوكت تلطف بعطفك يلله بينه
وسري اكبال منكر يلله بينه
يابو حمود جور يلله بينه
نرد الام الوفه للناصريه