ليالي الظيم من كل صوب جناي
وعليك براسي ضل يصيح جناي
مو بيع وشره شاريك جناي
شريتك ذخر خاف اتميل بيه

حبيبي الحسن كله مالك انته
وفوك الحسن عقلي مالك انته
تبعد عن وصالي مالـــــك انته
اعرفت بيدك حياتي وخنت بيه

منو مثلي الضحه العالي يرن نيوم
عليل ولاجرس منك يرن يوم
حبك خصب بكلبي يرن يــــــوم
ومفاعل صدة اعيونك عليــــــــــه

حبيبي ولاأمر يمشي ويمره
وبدونه الزاد مايهنه ويمره
يجويني وحس ناره ويمره
كأن العافيه ونزلت عليــــه

خيالي كل وكت يشكر ترالي
ومحد من عكب عينك ترالي
ألك ساعه أهل دمعي ترالي
على حالي النحل بجفاك أليه

حبل وصلي أشده فوك حبلاك
وذا تعطش اصوغ الروح حبلاك
لون تسأل بكلبي شكثر حبلاك
بعدد نسبة نفوس الناصريه

اشكرك اخ كريم هذا من ذوقك