اشد حزامي للدنيا وحل بيه
وعر درب الوفه صاير وحل بيه
الاخو شنهو الذي صابه وحل بيه
طريح اوساد لو ناسي الخويه

*************
احبابي شلون حالتكم بعدنا
افتركنه والوكت عنكم بعدنا
اذا انتم نسيتونا ترة احنا بعدنا
نذكركم بكل صباح وبكل مسيه

*************

ادك باب اليضدك واشتمنه
واشيل تراب جدمك واشتمنه
كول امر ياروحي وش تمنه
حاضر لو ردت روحي هديه

*************

يهل ناديت بسمي هواي عيدة
ويهل ماخذ دليلي وياك عيدة
الصايم من بعد رمضان عيدة
وعيدي من تمر انت عليه

************


يغالي الذهب مايرهم وصف لك
واكتب شعر من كلبي وصف لك
تعال بكلبي مدرستك وصف لك
واذا تاخذ صفر انطيك ميه

مشاركه رائعه اخي العزيز الاصيل
تقبل تحياتي الك ولذوقك الرفيع
+++++++++++++++++++++
الصديق الي نشوفه نقي ونظيف
نود كل يوم نبدي اعليه ونضيف
علي طيبه نجمل طيب ونضيف
بكثر معنى الحروف الابجديه

مشكور اخي العزيز على المرور الطيب تحياتي اخوك العراقي الاصيل

يسلموووووووووووووووووو جدااااا جميل يعطيك العافيه

عسر غير النوايب فاتحتمن
وسهم هجرك بكلبي فاتحتمن
اكتلتني وجا تنشد فاتحتمن
ولا جنك رحت جناز بيه