المساعد الشخصي الرقمي

مشاهدة النسخة كاملة : حبيات على الماسنجر



سومه
23-07-2006, 05:21 AM
السلام عليكم
قريت هالشعر وحبيت انقله الكم هو فكاهي شويه وجدي بنفس الوقت لاان اتصور هاي صايره ظاهره
اخليكم ويا الشعر


شد الولد منظومة وستلم اشـــــــــــــــــــارة ****وطــــــــــــــــار من الفرح او وزع بشارة

سوه فورمات للحاسبة وعــــــــرف الديلنك ****نوبة النت يمه ضــــــــــعيف ونوبة طيارة

فتح ماسنجره وتلقى التـــــــــــــــــــــــهاني ****واحبك موت خـــــــــــــــــــــــلاها العبارة

دخل جـــــــــــات ومنتدى ولطش على بنية ****بت محافظته العزيزة وربع ساعة بالسيارة

برسالة خاصة لو بالخاص كام يدك نــــاعم ****واجيبك للدرب هذا شــــــــــــــــــــــــعاره

البنية ادوهنت وكـــــــــالت هذا خوش وليد ****ولزك من الصبح لليل وهي محـــــــــــتارة

وكالعادة ممكن نتــــعرف انه من محافظتج **** كالت اي ممكن. نشنش الولد وطكله جكارة

كاللهه انه طالب وسيارتي بيــــــجو 2006 **** وبيتي دبل فاليوم عبالك عــــــــــــــــمارة

عجبني اسلوبج بالحوار وشخصـــيتج الفذة **** واسمج بعد احلى كله حب وشـــــــــــطارة

وماطولها عليكم صــــــــــــــــــارت ميانة **** وحبهم المايكروسوفت وصلت اخبــــــاره

يكلهه احبج وحبج ما ينوصف وصـــــفا ****وهي تكله اسكت من اشوفتك كلبي يفتح ازراره

كاللهه شـــــــنو نقالج اسيا لو عراقنا لو اثير****حتى واحد يتصل بالاخ ونقوي العـــــــلاقة

خطية البنية علــــــــــــى نياتهه وتعلقت بي **** وصارت مكابله الحاسبة وتلزم خـــــــفارة

هسه يدخل بعد شوي يدخل وهو مـــــــــاكو****تتصل بي يسد التلفون وشغل الـــــــــحقارة

ذاك اليوم دخل وكالتله شنو نـــــــــــــهايتنه **** ويمته تخطبني ونزوج ونعلكها بالـــــحارة

كاللهه سكــــــــتي انه مدمر وحالي بالضيم **** كالت شبيك مريض سويلك جــــــــــــــــارة

كاللهه لا حــــــــــبي مو شغلت مرض كالت ****شنو. كال ابوي جبرني ازوج بت عمي سارة

بصراوي مشاغب
23-07-2006, 05:32 AM
ههههههههههه نقلة حلوه ورائعة سومه

والله خوش قصة حب تاثرت بيها انااااااااااا ههههههههههه

ننتظر مزيدج ياوردة :66 (46):

سومه
23-07-2006, 06:18 AM
ههههههههههههههههههههههههه
شكرا على مرورك

احمد صباح علوش
06-08-2006, 11:28 AM
كلش حلو وعاشت ايدك
الفكرة كلش حلوة

zryan
21-08-2006, 07:07 PM
hahahahahhahahahaha somah kolish hilwo ..yslmoooooooooooooooo

MinaMadi
21-08-2006, 07:24 PM
هههههههههه

والله ضحكتينا يا اختنا الغاليه

بس تره ابصراحه قصيده حلوه ومو قاصره !!!

مشكوره سومه رسمتي ابتسامه على شفاه القاريء

عراقي أصيل
24-08-2006, 07:55 AM
هع هع هع هع هع هع هع هع هع
مو كلها على الولد تذبوها يعني البنية
هم الها دور وأنا والحمد لله ما مرتبط من الانترنت
ولا راح ارتبط
بس تريدين الصدك أحلى قصيدة شفتها بحياتي
والله ومن دون مجاملة

مشكووووووووووووورة أختي سومة على القصيدة
ونقل موفق وننتظر منك كل ما هو جديد


تحياتي

ملك الحب والرومانسية

سومه
25-08-2006, 03:14 AM
اهم شي ضحكتكم القصيده وهالشي كافي مشكورين على مروركم الجميل منورين