جملني بعد كطره 00 وخذني وياك


هناك 00 الفيض كلبك 00


حتى روحي تنام


عصفورة جرف 00 بلل جنحها الكيض


اخذني وياك


امشي ابغير واهس 00


والطواري كصار


وعيوني غرب 00 وجفوف اديه اوداع


واسمي 00 ابغير معنى 00


وميل كحلك غاب


وتنشدني اعله كلبي !


كلبي حب وذاب


ياكلبي حلك تنور 00 لو سرداب ؟


صوغني 00 ولو من ليلكم نجمه 00


تبات وياي


ومن تشبع سهر 00


ويجيسها الوهواس


اطفيها ابصبح 00


والغبشه رشكه ماي


واشعلني ولع 00


يدوي العطش بالعود


حتى انزع جلد روحي 00


وارد لصباي


أملني الفرح بسمك 00 ورد عالباب


فاحت ريحته 00 ولنك بعد ماجاي


بعد ماجاي !!


من ياصوت أصيحك ؟


والصدى ايجاريك


واكلك : مكدرت 00 يالتكدر ابلياي




منقولللللللللللللللللللللللللللللللللللل

اشكرك على هذا النقل الرائع والانتقاء المميز تحياتي منتظرين نزف قلمك ولو محاوله ,,,,,,,,,,,,,
حاولي وانا متاكد من الابداع

ياكلبي حلك تنور 00 لو سرداب ؟
گلبچ كله حنيه وطيبه يارناوي تسلمين على هذا الكلمات الجميله والانتقاء الرائع وبارك الله بيچ اختي العزيزه

مشكور اخوية محمد السوداني اني اكتب بس ما اكتب شعر شعبي بس اكتب خواطر انشالله اكتب ونطيني رايك

مشكور اخوية الزير روماني والله ردك يسعدني وينطيني امل


تحياتي الكم