أريد أسالك



أريد أسالك عني شلون تشتاك

هم مثلي تهيم ويرحل النوم



شلون اكدر أنام اشلون أنساك


أفكر بيك وأنت بروحي مرسوم


رسمك بالگلب منقوش بوشام


وإذا شلت النقش تنشال الهموم ؟


كلي اشلون بالله الوشم ينشال


معناه النبض يوكف ولا يدوم

أهيم الليل اضرب خمسه بأسداس
أشوفك بالسمه جن بدر ونجوم
وي روحي اسولف وأحس وياك
مثل نجم العلم والله مظلوم



شلت بيدي القلم وأرد ارسم حروف


أحس بالقلم يرسم گلب مدموم


كل هذا وتگلي أتنام بالليل


وانته بكل حلم تظهر ألي دوم


مل مني الصبر مليت وياك


تشمت الناس بيه وصارو خصوم

عليك الروح طيره بصدر مخنوك



مضيعه اولاده وبس ضلت تحوم
اكضي الليل كله وفكري وياك
وانته بلا ضمير أتنام كل يوم


سلام الدراجي

اخي الزير يامبدع قصيده رائعه بكل ماتحمله
من كلمات ومعان وصور ,,,,,,,,,,,,
تقبل تحياتي لك واحترامي لقلمك وما ابدع
اخوك محمد

قصيده في غاية الروعه
تسلم على الأبداع

عاشت ايدينك اخي
روعه
الله يخليك

الاخ محمد السوداني الاخ نبراسي والاخت العراقيه احبابي واخواني اشكركم جزيل الشكر ولو لا ردودكم الجميله لما تحفزت للكتابه تسلمون والف شكر

مشكور اخي الغالي علي المشاركه المتميزة



وبالفعل كلماتك والله تسلم عليها

شكرك اخي الفرعون على المرور الجميل نورت صفحتي يانور العين

انت الروح وانت الكلب والريه0000
تسلم يا بعد روحي 00
ابداع اهنيك عليه
وتقبل تحياتي
اخوك الصكر

طبعا عندي قصيده سوف انشرها الاسبوع القادم بعنوان ياعراق الخير سوف تكون مفاجئه الك اشكرك على ردك يابعد الجبد

حقيقه وبدون مجامله قصيده جميله وتستحق الاطراء

تعيش يازير روماني على هذه القصيده كلك ذوق

الاخوه االاعضاء الكرام حقيقه انا بحاجه لردودكم على هذه القصيده وبدون مجامله اريد رائيكم وشكرا لكم

اكضي الليل كله وفكري وياك
وانته بلا ضمير أتنام كل يوم

تحياتي على هذا الشعر الجميل عاشت ايدك


ننتضر جديدك اختك رنا

ردك وسام اعلقه على صدري ولولا ردودكم لمل تحفز على الكتابه الف شكر خيتي ويحفظك الله من كل مكروه

اكضي الليل كله وفكري وياك
وانته بلا ضمير أتنام كل يوم

تحياتي الك يا مبدع

الاخت الغاليه العزيزه رنا الف شكر خيتي وهذا رد ثاني منك ووسام ثاني جميل من ايدك على صدري تحياتي لك وتسلمين

والله عاشت ايدك على هاي الاشراقة تقبل مروري

حقيقي يلزير ابدعت وتسلم لان من تقره القصيده اتعيش بحلم
الى مزيد من الابداع
يابعد ذني وهذني

اشكرك يبن الوسط الورده يابعد الروح والجبد

مشكوره اختي رنا على الرد الجميل نورتي صفحتي

تحياتي لكم جميعا اشعر هذه القصيده بحاجه الى ردود اكثر واكون شاكرا لكم

اللــــــــــه عليك يادكتور

اللـــه على كلماتك الرائعة واسلوبك السلس ياروماني

بعد احنه راحت علينه -- خل نتقاعد أحسن

عاشت الأيادي ياذواق

اخي العزيز انا اقترح عليك ان تبدل اسمك من زير الى مهندس الكلمات
حقا ان مثل هذه القصيدة لا ينظمها الا شاعر مهندس وتسلم افكارك
و اناملك وتقبل تحياتي اخيك عبد الكريم العنزي البصري

عاشت يداك على هذه القصيده

الاخت ام فيصل السلام عليكم حقيقه خجلتيني بهذه الكلمات الجميله تحياتي لك بارك الله بك اختي العزيزه مرورك اسعدني كثيرا (انت شاعره وعلى راسي )

يسلم راسك ياروماني

واشعارك لايعلى عليها -- واستمتع دائما بقراءتها

تحياتي لك عزيزي

الاخ العزيز البصري السلام عليكم مرورك وسام وكلماتك روعه على راسي اتعلم الشعر منك ومن غيرك .انه بعدني ( الحيمي) بالشعر تحياتي الك يامبدع والى كل اهل البصره الاعزاء
اخوك د.ابو حيدر

الاخ العزيز نورس يسعدني مرورك الجميل تحياتي الك يامبدع