تسجيل الدخول

مشاهدة النسخة كاملة : احساس الابوذيه



ابو علي الصكر
01-06-2008, 07:37 PM
السلام عليكم
يعت بيه الدهر مرات وانعيت
وعلى ضعون الجفتنه صحت وانعيت
يهل الطير البچيت الربع وانعيت
نعاك اللي نعاني اعلى الوطيه
انه الگايم لعد گومي ونخواي
وبيهم ما نفع صوتي ونخواي
الناس تلوذ باخوتهه وانه خواي
اگطعوا ما گطعت الشمات بيه
شربت التتن وانشبلي سعالاي
مريض ومحد امن اهلي سعالاي
نخيت امن الله والعباس سعالاي
زرگ رمحه ومرگ طيبه عليه
خذت عگلي يداحس واسره بيها
لذبهه بنار هجرك واسره بيها
شبه ست الزبيده واسره بيها
اغلطت ثاريها ليله العامريه
جرح گلبي يلاهي شوكت يلتم
جفو وصفيت مثلك يخي يلتم
لون نعرف شملنه شلون يلتم
وحياتي مطمع ولا بالدنيه
جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه
مع تحياتي
الناقل الصكر

محمد السوداني
02-06-2008, 10:14 AM
ابو علاوي عاشت ايدك وايد الناقل تحياتي الك
او للناقل كلك ذوق اخوك محمد

سلام الدراجي
02-06-2008, 04:06 PM
الناس تلوذ باخوتهه وانه خواي
اگطعوا ما گطعت الشمات بيه
وسفه ابو علي انه اخوك ابو حيدر
اذا اقمنا اقامت الدنيا طوعا
واذا سرنا للحرب سرنا جهارا
بس امرك وكول للبصره اجيك ركض
تحياتي الك ابوذيات في غايه الروعه تسلم ايدك

غفران الحزين
02-06-2008, 06:20 PM
اخوي الصكر شكرااا على النقل الجميل
وانت مبدع حتى في النقل

تحياتي غفران

ابو علي الصكر
04-06-2008, 05:26 PM
ابو جاسم الورده000
تحياتي الك وين انته موجود00
شكرا لمرورك الكريم00
الصكر

ابو علي الصكر
04-06-2008, 05:28 PM
الزير العزيز 00
كلك نخوه وطيبه ومروه يا بعد روحي0000
اشكرك جدا 00
اخوك الصكر

ابن الوسط
06-06-2008, 03:48 PM
يلصكر زيدنه ابداع على ابداع