المساعد الشخصي الرقمي

مشاهدة النسخة كاملة : شعر زهيري...روعة.


ابو علي الصكر
01-06-2008, 05:19 PM
كلمن ضحكلك جذب صدك تره جاملك
ولمن اشوفك تجي افرح واكولن اجه ملك
صوره جميله صرت وانه صبحت جامه الك
بس عني لمن رحت ضلت عيوني ترف
عايش حياتي عدم وانت حياتك ترف
صح انت ربك صورك وانطاك طيبه و ترف
بس عمري ما جاملت وهسه صبحت اجاملك
0000000000000000000000000000000000000

حر الهجر مايلك بحر الوفا مايلي
وآنه بهواك أعتقد غاية وطمع مايلي
ياصاحبي إنجانك ذكي إعرب إلي مايلي
لوكان جابت خبر ينّصب لو ينضّم
لو سر حجالك محب ينفضح لو ينضم
العاشرك يا ترف ينسعد لو ينضم
الحمل يبقى أعوج لو ينعدل مايلي
0000000000000000000000000000
سلام الدراجي
02-06-2008, 04:18 PM
حقيقه ازهيريات جميله جدا راقي انت في كل كتاباتك تسلم وعاشت ايدك
ابو علي الصكر
04-06-2008, 06:26 PM
انت الراقي يا راقي وتسلم عزيزي
الصكر
غفران الحزين
05-06-2008, 11:03 AM
اخوي الصكر والله ازهيري جميل
انت مبدع وشاعر حقيقي
وربي يحفظك ويرعاك
وانتظر منك المزيد من البداع
تحياتي غفران
وهذي الابوذيه الك
يناهي ضلوع كلبي صفكت لك

لان جرح الكلب دم صافي كتلك

كعدت بعيد وانه بصفي كتلك

والله شاعر وشعرك جاذبيه


ا
ابو علي الصكر
05-06-2008, 12:40 PM
اشكرك يا غفران الجميل 000
اخي العزبز اشكرك جدا وتسلم لي يا بعد روحي 00
الصكر