اظلمي حيل يا دنيه وجيري
وحيل اهموم اسحبيها وجيري
توم وي الوكت انه وجيري
معارك دوم ما نصفه سويه


:66 (46):


اريد جناح بيه اخفج وانا طير
بعد ماظل صبر بيه واناطير
يريت انت غصن ليه وانا طير
قسم ما اطير اظل حد المنيه



:66 (46):
عونه العاش خي ساعه بلاهم
الجفوني وعلي مانشدوا بلاهم
احباب ولو متت انه بلاهم
خطيتي اتصير لوجتني المنيه

:66 (46):



الاهل والغربه يا عالم ماردونا
ومرد بجفوفهم بينه مردونه
مثل طوبه ولعب بيها مردونا
يطكَنه بشوت كلساعه بزويه
:66 (46):

امر كل يوم بدريبه ورد بيه
واشم عطور من حبه ورد بيه
شفت ثغره بحر فايض ورد بيه
حتى اروي ضماي العم عليه

:66 (46):

تسلملي يلغالي علا هل الابداعات الجميلة والرائعة وننتظر جديدك تقبل مروري

تسلم اخويه على لاشعار الجميله