السلام عليكم ورحمة الله وبركاته
محاورة بالدارمي عن الوطن بيني وبين الاخ والشاعر جليل رحيمه عن الوطن
الدارمي الاول للشاعره هاله الربيعي والثاني للشاعر وهكذا

سالم عراق الخير --- رغما عالاحقاد
من ثورة العشرين --- تشهدله الامجاد
دگ العلم ليفوگ --- حتّى ابجبلنه
لمنه ابفرد ماعون --- واحنه انعزلنه
نجمة علمنه اشعاع --- والرّايه لشراف
كرد وعرب فد أيد --- شالتّه الاطياف
فوگ الجّبل ماشوف --- رفرف علمنه
وصارت احدود انّوب --- مابين اهلنه
نور الوطن ميزول --- من كل عراقي
ورغما على الاحقاد --- ألعلم باقي
يطغن على الالوان --- بالعلم لونين
ألاْ حمر استشهاد --- ألاْسود امنين
نقسم ابد منصير --- بيدين ذبّاح
للوطن كلنا انصير --- چف شايل سلاح
حدّالذبح بالنّاس --- واصل للاطفال
نقسم مننطي الرّوح --- چلمة التنگال
لاوحگ داحي الباب ---عزّتنه متروح
الوطن من ايصيح --- نوگف فرد روح
حارس وطنّه اشبيه --- شو گايم ايبوگ
مالگط التّمرات --- كص كلّ العثوگ
گص العثگ ويريد --- هم ياخذ الگاع
خل ياخذ اشما راد --- وانحسبه طمّاع
عالفقره ليش اليوم --- حتّى الخبز شح
والكيلو بالدّولار ---- للخضره ماصح
حصّه وعشر آلاف --- انطونه بالعيد
وحلمت بيهه اهواي --- ماوصلت الاْيد
دوّرت بالبالات --- شلبسلي بالعيد
القمصله ابعشرين --- ألعشره شتفيد
دوّرت اسم تعيين --- ينظر لحالي
لحلوگ كلهه تريد --- والجّيب خالي
يامكثر التّعيين ---- وبتسع ورقات
الجيبه خالي ايروح --- بالشارع ايبات
تدري البلد ماخوذ --- والصّدگ بيه مات
مايمشي بالقانون --- بس يمشي رشوات
تعّبتي روحچ حيل --- ياللّه اعترفتي
بيتي آنه بيه اسنين --- هسّه انتي صرتي

يسلم ذوقك على هذا النقل والانتقاء الرائع 00
ننتظر مزيدك
الصكر00

شكررررررا اخوي الصكر على مرورك الجميل

ذوق رائع جدا ننتظر المزيد

كلام وابداع جميل ونشاله متواصل دوم
تقبل مروري

رائع جدا تحياتي...........................