عراقيين احنه وطر فجرنا
وشكم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيه


عزيز وشوفتك عندي محلها
والك عكدة بوسط كلبي محلها
حبيبي جيتك لينه محلها
تعال بغيبتك شفت المنيه


وحك ارموشك الحلوة وعينك
انه بلشده اوكفلك عينك
لون بيدي نصبتك وعينك
ملك تحكم على البريه


ادك باب الي ضدك واشتمنه
واشيل اتراب جدمك واشتمنه
اطلب امر يغالي ششتمنه
حاضر لوتطلب روحي هديه


احبك اكثر من الكون وانسى
وعندي الموت لو يرضيك ونسى
مافارك ابد ذكراك وانسى
واقدم روحي لعيونك هديه


جنت حبيبي وجنت اهواي
وجان هواك هو هواي
وجنت احبك مو اشويه اهواي
تالي جازيتني بلخيانه

اخوي قاهر البنات وابوذياتك جميله
لعد لو راضي البنات جان شلو ابوذيات

اشكرك حبيبي نته غفران يعطيك العافيه حبيب الغالي

يسلموووووووووووو يعطيك العافيه

الابوذيات مرة حلوة عاشت ايدك