:66 (75):الوطن

الوطن هاليوم يصرخ يا معيـــــــــن



إبشدة الوطن يــــــصرخ محد اجاني
الوطن طايح والتمت عليه حاقدين



وبحزنه الوطن يـــــــنشد آه يازماني
يگول الوطن ارضي ارض النبيــين


ويا نبي يرضه بضيـــــــــمي وآلامي
سفرة آني چنت لكل الجايــــــعيــــن


تــاليــهـه الوكت جوعــان خــلانـــي
مثل خيمه چنت لكل المحيطيــــــــن


شو دارو علي تاليهه جيــــــــــــراني
طيحوني بغدر تولوني بسچاچيــــن


يگطعوني بيا ذنب ليـــــــــــــــش آني

واني ارضي ارض كل الوصييـــــن


وآني البطل المايـــــــــــــگدرلي داني

ارض حيدر علي امير المؤمنيـــــن


ارض كل العلـوم وكل المـــــعـــــــاني

ارض البطل عباس ارض الحسيــن


ارض موسى وبتقيــــــــــته تـــــقاني

ارض الما رضو ذل المذليــــــــــــن


آني الما رضـــــــه بأحـــــــد خـواني

اني ارض جامعه لكل ديـــــــــــــــن


اذا مسلم اذا صبي واذا سريــــــــاني
الوطن ما محتاج احنه المحتاجيـــن


البيــــــــــــت يلمنه بكل كلمه ومعاني
يگول الوطن نامو بفرد عيــــــــــن


وعين اعله الارض تــــحــرس مباني
ابيوت اهلنه الماغفو مرتاحيــــــن


وماعرفو غير قــــــســـــــوة زمــاني
صرت اتاني بالفرج مثل المجانيــن


لچن مايوم الفرح مرة تـــــــــــنـــاني
صحت بصوت عالي وما سامعيــن


طايـــح عل ارض و مــــحــــــد اجاني
وصه بسابع جار سيد المرسليــــن


واول ماطحت ذبحوني جيـــــــــــراني

__________________

اللهم انصر العراق واهله

مشكور اخي على الشعر

تحياتي

والله يا خوي كلامك كلش مؤثر

بس احنه شبعنه وملينه وبعد ميفيدنه هذا الحجي ..!!

دمت بحفظ الرحمن

لك ودي وتقديري

ربنا يكون في عونك يا عراقنا

واللة ان شاء احنة الي نحمي العراق بدينا لان العراق للعراقيين

كلمات راقيه نابعه من احساس صادق احسنتم ابطال العراق اهل العراق وننتضر المزيد

اشكرك اختي شيما علا مرورك وتعليقك الرائع

ااالسلام عليكم ممكن تقبلوني صديقة واخت الكم

ااالله الله الله ...... عاشت هالكلمات يا عراقي يااصيل يا ابن دجلة والفرات مدام اكو هيج زلم فالعراق بخير ومحد يقدرله بعون الله وهمت السباع ,الاسودو يبقى العراق تاج على الروس

مشكورة اختي امورة على المرور
الجميل تقبلي تحياتي

اهل العراق

اخي الصراحة قصيدة رائعة بمعنى الكلة وتتحدث عن معانات واقعية

استمتعت جدا بقراتها

فشكر واعجابي اقدمها لك

العفو اخي العزيز الحر الورد وشكرا
على الردود المميزة
وتحياتي
اهل العراق

دامت هذه الاصوات الحزينة ذخرا للعراق ويا رب يرجع كل مغترب الى وطنه @ النورس الجريح