السلام عليكم
**************
يمالك ناصية امري تهده /(تريث)
جفيت او بالجفه حيلي تهده /(هدمته)
اشما الزم حبل وصلك تهده /(تتركه)
اهي محبه يا غاتي موش اذيه
**************************
اهدمت يشكر كياني ورجيته -(زلزلت كياني)
او على اصوابي مو احد ورجيته_(لم اكشفه لاحد)
التريده الروح منك ورؤجيته_(الذي رجوته)
اجايد بيك كل الشمت بيه
*********************************
امنول هيل دهري مرعاني (لم يرعاني)
او على اجرودي لحكني مرعاني(مزق ثيابي)
مر اتضيج توسع مره عاني(معانات)
وارد مايوس والطبرات بيه
*****************************
الصكر

اخويه العزيز انت ايضا تهده ويانه اشويه لانك اكثر من رائع انه بالشهر ما اكتب وحده ابوذيه وانت بلا حسد تضرب ثلاث ثلاث ( اقصد ابوذيات) هههههههههههههههه

انت ايضا ويانه تهدا لان حركت جدي التاسع عشر فدوه اروحلك بس المشكله اشلون ارجع يبعد الجبد

الله عليك ابو علي الصكر كلام حلو

اشكرك
وعاشت ايدك

الزير العزيز000
بعد روحي ليش هلايام مانشوفك ولا نشوف ابداعاتك الحلوه 0000
تدلع علينه يا اغاتي00
الصكر

رنا العراقيه الغاليه00
كم يسعدني وجود اسمك على صحفتي لانك تنوريها بكلماتك الجميله000
وشكرا لمرورك الكريم00
الصكر

اخوي الصكر ابوذياتك كلش جميله
عاشت ايدك
وانتظر مزيدك

اغاتي انته ابو علاوي ابوذيات جدا رائعه يامبدع
تحياتي الك اخي العزيز ..........
اخوك محمد

غفران الغالي وابو جاسم العزيز00
مروركم مثل الماي للعطشاه كاعه0000
اخوكم الصكر

بصراحة انت مبدع للغاية بس انت تهدالها شوية تقبل مروري

وداعتك انه متهدي كلش بس المشكله اسمك اشطوله ياخي 000
شنهي لافته مالت مسيره00
بعد روحي لا تزعل احب اتكشمر وياك000
العزيز مرورك اسعدني وحياك الله يالغالي00
اخوك الصكر

اشكرك حبي على هاي الابوذيات الجميله وعلى هذا الشرح

سيد الجروح الغالي 00
اذا انت سيد الجروح 0داعيك سيد الهموم00
اسعدني مرورك الكريم 00
نورت الصفحه بحضورك00
اخوك الصكر

والله تسولف سوالفك وكلماتك تجوي الكلب يلصكر
تقبل مروري يلصكر