أحمر لون راسك رافع الراس
وابيض لون وسطك عالي هيطه
ويلساسك سواد يكحل العيون
يبو نجوم الثلاثه الضرب سيطه
في داخل محيطك ألله مكتوب
وابد ما ينزل الألله بمحيطه
رادونه نبدلك وانته عنوان
وتبديل العلم عدهم بسيطه
أذا نبدلك نبدل الشعب والله
ونشيل اسم العراق امن الخريطه؟؟
ولتظن يا علم ننساك لحظات
لأن بالفكر رسمك باقي مرسوم
أنته الي تطرز هالتوابيت
توابيت الشهاده الماغفت يوم
وانته الي ترفرف بيد الابطال
من شالو الكاس الوحد الگوم
وأنته الي توحد كل العراق
وتمثل العراقي الغيرته تحوم
معروفه الشجاعه وسام الرجال
و انته وسام موطنه الصفه هموم
أذا الغيوم حست بالسماوات
محتاج الدمع تمطر هالغيوم
ومحتاج الوطن تبچيله العيون
لأن جرحه غميگ وأظن مسموم
ومحد گال منك تنزل نجوم
انته القررت نجماتك اتگوم
لأن شفت الوطن محتاج الدموع
بچيت أنته لجن دمعاتك نجوم



الشاعر
احسان القريشي


منقول

تسلم على النقل الجميل وعاشت ايدك انا ايضا كتبت قصيده عن العلم ( بعنوان العلم ) تبدا اهنا يمن جنه وجنت ولكن هذه القصيده احلى بكثر لاتعتب عليه بعدني مبتدا تعيش

مشكور حبي تسلم وان شاء الله تكون الك مشاركات اجمل تحياتى الك

قصيدة رائعة
تسلم الايادي على النقل
تحياتي