:77 (9)::77 (9): م/ دارمي من القلب الا القلب:77 (9)::77 (9):

[شلونك شلون الدار وشلون الاحباب
اذكر جرح بجلاك بشرني ما طاب

علمني عانسيان ارد انسه ضيمك
وي غيري كمره تصير بس حصتي ضيمك

همك وخم الناس وهم هم الهموم
لو وحده منهن بيك ماتكدر تكوم

هم الليالي تعود واتعاتب وياك
احجايه للشمات خلاني فركاك

يا عازه الخوان عازتها عازه
والماوراها صياح وحشه الجنازه

مبخوت اضل للشيب يافلان اذكرك
وينكرني نور العين كون من انكرك

متعجب المهموم يشرب جكاره
قلبي بكثر مانوح تجويني ناره

اكعد بتال الليل وادعي بصلاتي
ياربي بعد فلان شلي بحياتي

يسالني البطران حالك اشلونه
الغاضب الله عليه هم ينشدونه

يبقى الدارمي هو التنفس الرئيسي لهمومنا نحن العراقيين ففي الحب ننشد الدارمي وفي الحرب ننشد الدارمى وفي الاحزان سلوتنا الدارمي واليكم ها الدارمي ,,,, أريد أبجى وأبجي الخلفوني عمنهم على المصايب خلفوني والسلام