قصيدة الزهراء(عليها السلام)
*******************


الزهراء (عليها السلام)
**********************
كوثر سلسبيل الزهره يوم الديـــــــــن
وفقط بس الموالي اليغترف منــــــــه


الناس عله الصراط تميل من الخوف
وحنه عله الصراط الزهره تحضرنه


وذا هيه ام ابوهه تاكد الزهـــــراء
اذن هيه الشرع والدين والسنــــه


وذا بضعة محمد يعني هيــــه وياه
قاب من العرش قوسيـــن او ادنه


الوادم بالحشر تترجه رب الكون
تدخل بالجنان هناك تتمنـــــــــــه


بس بضعة محمد كلي وين تصير
حرت بهاللغز وشلون احلنــــــه


اذا من الجنان انخلقت الزهراء
يعني شلون جنه وتدخل بجنـــــه


خيمتنه الجبيره وكلنه بيهه نلوذ
وستر ربك يرفرف فوك خيمتنه


تفرقنــــــه الليالي شكثر والايام
ويرد حــب الزجيه ردود يجمعنه


وعلـــه ضنة زياره وجنه نترجاج
نطوف احنه بضريحج وحنه نتمنه


طلع كبرج خيال وابد ما موجود
ردينه بخجلنه وخابت الضنـــــه
*************************
وزحمه ام الحسن لو ردت الخطار
وربك من عطايه الجود سواهـــه


عطاية مراد وماترد الضيــــــــف
وماخاب وخسر كلمن تعناهـــــه


ولو رايد طلب مو للبقيع تروح
روح لكربلاء حسين تلكاهـــــه


وذا رايد توفي فاطمه الزهراء
دك صدرك يشيعي والطم وياهه


وصح كسر الضلع جرح وتاذت بيه
بس جرح الحسين هواي اذاهه


مجروحه الزجيه وما اظنهه تطيب
بس دمعك يشيعي اليجري دواهه

الاخ شاكر المحترم 00
لا استطيع ان ارد عليك ابدا00وحتى لو رديت ماذا اكتب اقول لك احسنت او قصيده رائعه 00
احسن لي ان اصمت اتجاه هذه الكلمات المبكيه والباكيه 000
جعلها الله في ميزان اعمالك000
اخوك الصكر

شكرا اخى جزاك الله خير الجزاء

الاخ ابو علي الصكر المحترم
مرورك وسام شرف اعلقه على صدري
تقبل تحياتي

احسنت اخي شاكر الشمري قصيده رائعه اللهم اجعلها في ميزان حسناتك

العراقي الطيب
شكرا لمرورك اخي العزيز
تقبل امياتي بالخير

الاخ الفاضل الزي روماني
مرورك وسام اعلقه على صدري
تقبل خالص التحيات

قصيدة اكثر من رائعة
عاشت الايادي

الاخت احزان المحترمه
شكرا لمرورك الكريم وجعلنا واياك
من شفعاء الزهراء ع
تقبلي تحياتي