إخوانى الكرام
الكلمات دى مش من نظمى والله
دى كلمات عمنا
أحمــــــ فؤاد نجم ـــد
وها هى صورته
http://static.flickr.com/75/204746772_a65418f146_m.jpg
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
هاتفتكر مين وللا مين
في عيد ميلادك الكام وسبعين
بقول لك كلمتين
http://static.flickr.com/69/204746771_adb86a1efc_m.jpg
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب (www.hooriat.com) معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم
ومتعلمين وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

الكلمات للشاعر
أحمـــــ فؤاد نجم ـــد

العزيز الغالي
foraten.net/?foraten.net/?foraten.net/?foraten.net/? فؤاد نجم غني عن التعريف 00ولا يوجد شريف في الدنيا ما يعرفه00وهذا جزء من نضاله00وهذا ديدنه مع الساسه والحكام00كتاباته تخرج من القلب وتدخل في الدماغ على طول بدون استئذان00فطوبى لك يا شاعر مصر والعرب00
حبيبي كلنا في الهوى سوى
الصكر

والله ياباشا مرورك على راسى

علي فكرة ياجماعة الاخ الشاعر foraten.net/?foraten.net/?foraten.net/?foraten.net/? فؤاد نجم شاعر ينتمي للاحذاب المعارضة للحكومة
واشعارة لاتخدم غير حذبة الذي ينتمي الية وتخدمة هو شخصيا من خلال معارضين الحكومة
وليس هذا الشعر يعبر عن راي الشعب المصري بل عن راي كاتبة
بس للاسف احنا عندنا حرية ذايدة شوية ولاكن في سوء استخدام او سوء فهم
اما بالنسبة للاخ الناقل لهذا الشعر لاتعليق!!!

لا تعليق
من هو foraten.net/?foraten.net/?foraten.net/?foraten.net/? فؤاد نجم هذا

بجد كلامك وصل لقلبى واكيد كلنا حسينا بية الان كل كلمة انت قلتها حق ومافيش ولا كلمة مش هيا وبجد انا بشكرك على هذا الكلام