المساعد الشخصي الرقمي

مشاهدة النسخة كاملة : دارميات صياد الهموم



صياد الهموم
13-07-2006, 01:02 PM
من اسمي ابو اهموم ظهري مقسوم

وظهري امن الحمل نصين مقسوم

انه السمعت الهجع مقسوم

من كثر الحزن خان السمع بيه



من دون الخلك شصي ابماي شكل

وعليه الوكت ظيم انواع شكل

اخوي الماسأل عني الشرب شكل

وانه الربيته وأكل من ذني اديه





حبيبي من اكلمك صد اليه

وصدك من عرفتك صيده اليه

وصرت لجلك طبيب وصيدليه

اداوي بيك واني الجرح بيه




يا دنيه بيه فد يوم شعري

تره منج ابيض صار شعري

من اخذتي الفرح من اسطور شعري

شاب راسي وضل الحزن بيه





زركه وجبيره العين والحاجب اهلال

والصدر يا محلا بي شايل اتلال



يا حلو يا محبوب حبك سباني

دخل بالروح ابساع بأجزاء الثواني



حبك حبيب الروح مثل الهوى صار

ولو غبت عني ابيوم يضربني اعصار


حبيبي يا محبوب يا ماي العيون

يمي وألك اشتاك لو ترحل اشلون



من دون الخلك عني الفرح غاب

ألزم ذهب يا ناس ويصبح اتراب



الزمن لوعاداك لطخ أبد راس

ضل اعله طبعك دوم دايس متنداس


الزمن لو فر بيك فر انته ويا

ولتخلي يفتر بيك ويضوكك الأه



ضيم وقهر وهموم والوكت مايل

والدنيه بس وياي اطلع المراجل


بيه الحزن صار بيه الحزن صار

دم وسره ابجسمي مدري سرت نار


طير وطحت بالكاع ونكسر جنحي

واني اصبحت مجروح مايشفه جرحي


جرحي كبر يا ناس محد يشده

وضل جرحي ما طاب ما بيه هده
:66 (46): :66 (6): :66 (46): :66 (6): :66 (46): :66 (6):

GuEvArA
19-08-2006, 12:47 AM
مشكور اخويه والله كتاباتك روعه

تحيــــــــــاتي

الاسمراني
19-08-2006, 07:11 AM
يا سلام عليك

كتابات روعه

لا تحرمنا من جديدك

خليك على مستوى ابداعك

دمت بخير

الحالمه
19-08-2006, 07:47 AM
وااااو دراميات روعة , عاشت ايدك يا صياد
ونتمنى نشوف المزيد من ابداعاتك الشعرية


دمتم بود

رونق الحياة
19-08-2006, 09:08 PM
مشكور اخي صياد الهموم على الدارميات الروعة و بالتقدم ان شاء اللة
واسمح لي ان اكتب كم بيت من الدارمي

يالدمع بسك عاد بللت الهدوم /حزن اليموت يوم حزن العدل دوم
خواني مو خوان خواني شمات/ على الكبر يساءلون حي بعدة لو مات
شفت الضوة من بعيد كلت احتركنة/ولمن دخلت البيت لن ولفي عدنة

مع تحياتي

احمد العراقي
10-09-2006, 09:16 AM
السلام عليكم
اخي الكريم انت كاتب الموضوع هو دارميات صياد الهموم
وقد بدئتها بالابو ذية وبعد ذلك ذكرت الدارمي المفروض
يكون تجانس بين الموضوع والمحتوى وانت بذلك قد خالفت
المثل القائل (الجواب يعرف من عنوانه ) ... مع خالص الشكر
لا تزعل من النقد سبب النقد حتى ننهض بهذا المنتدى الجميل
اخوك المخلص
foraten.net/?foraten.net/?foraten.net/?foraten.net/? العراقي

عراق
13-09-2006, 12:17 PM
مشكوووور عزيزي على ما كتبت
واثني على مداخلة الاخ foraten.net/?foraten.net/?foraten.net/?foraten.net/? العراقي وملاحظته
كما احب ان اذكر نقطة هامة في الكتابة بالنسبة للكاتب اذا كان من انتاجه فلا باْس واذا لم
تكن له فيجب ومن اللطف ان يقول هذه مشاركة للشاعر الفلاني او من الفلوكلور العراقي القديم كما
جاء في مشاركة الاخ رونق الحياة عندما قال ساكتب بعض الدارمي وهو في الحقية قديم والقارئ الغير مطلع يحسبها له
وتصحيح للشطر الثاني حزن اليموت اسبوع حزن العدل دوم وليس كما جاء حزن اليموت يوم فانه يوقف الوزن
وكذلك هناك وقفة في الوزن بالنسبة للشطر الثاني ولا تحظرني الكلمة التي هي بدل على الكبر يتساءلون
ارجو المعذرة للاطالة والمعذرة للاخ رونق الحياة ويكفي ان لدية تذوق شعري اصيل

المغروره
14-09-2006, 08:36 PM
اخوي صياد الهموم روعه كتاباتك عجبتني بشكل يارب لايحرمنا منك